ଅସହାୟ ଲୋକଙ୍କୁ ଶୁଖିଲା ଖାଦ୍ୟ ବଂଟନ କଲେ ୱାର୍ଡ଼ସଭ୍ୟା!
କେନ୍ଦ୍ରାପଡ଼ା/ପଟ୍ଟାମୁଣ୍ଡାଇ, (ଆଇଏନ୍ଏସ୍): ସାରା ଭାରତରେ ଲକଡ଼ାଉନ୍ (ତାଲା ବନ୍ଦି) ଘୋଷଣା ହେବା ପରେ ସବୁକିଛି ଠପ୍ ହୋଇ ଯାଇଛି । ଯିଏ ଯେଉଁଠି, ସିଏ ସେଇଠି ଅଟକିଛନ୍ତି । ଓଡ଼ିଶାର ଲୋକେ ଅନ୍ୟ କେଉଁ ଦେଶରେ ତ କେଉଁ ରାଜ୍ୟରେ କିମ୍ବା ଅନ୍ୟ ରାଜ୍ୟ ବା ଦେଶର ଲୋକେ ଓଡ଼ିଶାରେ ଅଟକିଛନ୍ତି । ସେହିପରି ଆମ ରାଜ୍ୟର କେଉଁ ଜିଲ୍ଲା ବା ବ୍ଲକ୍ରେ ଅନ୍ୟ ଜିଲ୍ଲା ବା ବ୍ଲକର ଲୋକେ ଅଟକିଛନ୍ତି । ଏଥିଯୋଗୁ ବହୁ ଲେକେ ଅତି ଅସୁବିଧାରେ ରହିଛନ୍ତି । ସେମାନେ ଭୋକ ଉପାସରେ ବହୁ କଷ୍ଟରେ ଦିନ କାଟୁଛନ୍ତି । କେତେକ ଦିନ ମଜୁରିଆ ଲୋକଙ୍କ ଅବସ୍ଥା ଭାରି ଦୟନୀୟ ରହିଛି । ଏହି ଘଡ଼ିସନ୍ଧି ସମୟରେ ପଟ୍ଟାମୁଣ୍ଡାଇ ବ୍ଲକ୍ ଅନ୍ତର୍ଗତ ମଦନପୁର ଗ୍ରାମର ୱାର୍ଡ଼ସଭ୍ୟା ଶ୍ରୀମତୀ ଅନ୍ନପୂର୍ଣ୍ଣ ସାହୁ ବାହାରର କେତେକ ଅସହାୟ ଲୋକଙ୍କୁ ସହାୟତାର ହାତ ବଢେଇଛନ୍ତି । ସେ ୧୦୪ ଜଣ ଅସହାୟ ଲୋକଙ୍କୁ ଶୁଖିଲା ଖାଦ୍ୟ ବଂଟନ କରି ସେମାନଙ୍କ ମନରେ ଆନନ୍ଦ ସୃଷ୍ଟି କରି ପାରିଛନ୍ତି । ସୂଚନାଯୋଗ୍ୟ ଯେ, ଶ୍ରୀମତୀ ସାହୁ ଜଣେ କେବଳ ୱାର୍ଡ଼ସଭ୍ୟା ନୁହନ୍ତି, ବରଂ ଜଣେ ସମାଜସେବୀ, ପରୋପକାରୀ ଓ ପୂଣ୍ୟ ଉକ୍ରଳ ସଂଗଠନର ପଟ୍ଟାମୁଣ୍ଡାଇ ବ୍ଲକ୍ ଶାଖା ମୁଖ୍ୟ ଭାବେ କାର୍ଯ୍ୟ କରୁଛନ୍ତି ।