ଆଳି ଅଂଚଳରେ କରୋନା ଆକ୍ରାନ୍ତ ଚିହ୍ନଟ!
କେନ୍ଦ୍ରାପଡ଼ା/ପଟ୍ଟାମୁଣ୍ଡାଇ, (ଆଇଏନ୍ଏସ୍): କେନ୍ଦ୍ରାପଡ଼ା ଜିଲ୍ଲାର ଜନୈକ ୩୨ ବର୍ଷିୟ ଯୁବକ କରୋନା ଆକ୍ରାନ୍ତ ଥିବା ଜଣାପଡ଼ିଛି । ସୂଚନାଯୋଗ୍ୟ ଯେ, ଉକ୍ତ କରୋନା ଆକ୍ରାନ୍ତଙ୍କ ଘର ଆଳି ଅଂଚଳରେ ବୋଲି ଜଣାପଡ଼ିଛି । ପ୍ରାପ୍ତ ସୂଚନା ଅନୁଯାୟୀ ଉକ୍ତ ଯୁବକ ଗତ ମାର୍ଚ୍ଚ ୨୪ ତାରିଖରେ ଦୁବାଇରୁ ଓଡ଼ିଶା ଫେରିଥିଲେ । ସ୍ଥାନୀୟ ପ୍ରଶାସନ ପାଖରେ ଗାଁ ଲେକେ ସଂପୃକ୍ତ ଯୁବକଙ୍କୁ ସଂଗରୋଧରେ ରଖିବାକୁ ଦାବି କରିଥିଲେ ହେଁ ତାଙ୍କର ପରିବାର ଏଥିରେ ରାଜି ନହେବାରୁ ତାଙ୍କ ଘରେ ସଂଗରୋଧରେ ରଖିବାକୁ ପରାମର୍ଶ ଦିଆଯାଇଥିଲା । ମାତ୍ର ଉକ୍ତ ଯୁବକ ଏହା ମାନିନଥିବା ଗ୍ରାମର ଲୋକମାନେ ଅଭିଯୋଗ କରିଛନ୍ତି । ତେବେ ଗତକାଲି ରାତିରେ ଏକ ଆମ୍ବୁଲାନ୍ସରେ ଯୁବକଙ୍କୁ କଟକର କୋଭିଡ଼୍ ହସ୍ପିଟାଲ୍ ଅଣା ଯାଇଥିବା ଜଣାପଡ଼ିଛି । ଅନ୍ୟପକ୍ଷରେ ସୁରକ୍ଷା ଦୃଷ୍ଟିରୁ ଆଳି ବ୍ଲକ୍ ର ୧୨ ଟି ଗାଁକୁ ସିଲ୍ କରିଛି ପ୍ରଶାସନ ।