କଟକରେ ସଟ୍ ଡ଼ାଉନ୍ ର ପ୍ରଭାବ: ନିସ୍ତବ୍ଧ ସହର!!
କଟକ, (ଆଇଏନ୍ଏସ୍): ସମଗ୍ର ପୃଥିବୀରେ ମାରାତ୍ମକ କରୋନା ଭୂତାଣୁର ତାଣ୍ଡବ ଜାରି ରହିଛି । ଆମ ଦେଶକୁ ଏହି ମହାମାରୀରୁ ରକ୍ଷା କରିବାକୁ ସମଗ୍ର ଦେଶ ଲକଡ଼ାଉନ୍ (ତାଲା ବନ୍ଦି) ଅବସ୍ଥାରେ ରହିଛି । କିନ୍ତୁ ଓଡ଼ିଶାର କଟକ, ଭୁବନେଶ୍ୱର, ଭଦ୍ରକ, ଯାଜପୁର ଭଳି କିଛି ସମ୍ବେଦନଶୀଳ ସହର ଓ ଏହାର ଆଖପାଖ ଗାଁରେ ଅବସ୍ଥାର ଗୁରୁତ୍ୱ ଦୃଷ୍ଟିରୁ ୪୮ ଘଂଟିଆ ସଟ୍ ଡ଼ାଉନ୍ ବ୍ୟବସ୍ଥା କରିବାକୁ ସରକାର ବାଧ୍ୟ ହୋଇଛନ୍ତି । ଚାରିଆଡ଼େ ଶୂନଶାନ୍ । ସବୁଠି ସଟ୍ ଡ଼ାଉନ୍ ର ଭୟଙ୍କର ପ୍ରଭାବ! ଅହରହ ଚଳଚଂଚଳ ଥିବା କଟକ ସହର ଏବେ ନିସ୍ତବ୍ଧ ଇଲାକାରେ ପରିଣତ ହୋଇଛି । ସମଗ୍ର କଟକ ସହରରେ ଖାଁ ଖାଁ ଅବସ୍ଥା ଦେଖା ଦେଇଛି । ସାରା ସହର ଲୋକ ଶୂନ୍ୟ ହୋଇଯାଇଛି । (ରିପୋର୍ଟ: ଦେବାଶୀଷ ରାଉତ)