ବିଶିଷ୍ଟ ବ୍ୟବସାୟୀ ତୋଫାନ ବିଶ୍ୱାଳଙ୍କ ବିୟୋଗରେ ପାରାଦୀପରେ ଶୋକର ଛାୟା
ପାରାଦୀପ, (ଆଇଏନ୍ଏସ୍): ପାରାଦୀପର ତଥା କୁଜଙ୍ଗ ଷଣ୍ଡପୁର ନିବାସୀ ବିଶିଷ୍ଟ ବ୍ୟବସାୟୀ ପ୍ରସନ୍ନ ପଟ୍ଟନାୟକ (ସାଧାରଣରେ ତୋଫାନ ବିଶ୍ୱାଳ ନାମରେ ପରିଚିତ) ଙ୍କର ଶୁକ୍ରବାର ରାତିରେ ଭୁବନେଶ୍ୱର ସମ୍ ହସ୍ପିଟାଲରେ ଚିକିତ୍ସିତ ଅବସ୍ଥାରେ ମୃତୁ୍ୟ ହୋଇଯାଇଛି । ସେ ଦୀର୍ଘ ଦିନ ହେବ ଲିଭର ରୋଗରେ ଆକ୍ରାନ୍ତ ଥିଲେ । ସ୍ୱର୍ଗତ ତୋଫାନ ବିଶ୍ୱାଳ ଜଣେ ପରୋପକାରୀ ଓ ବନ୍ଧୁବତ୍ସଳ ବ୍ୟକ୍ତି ଥିଲେ । ତାଙ୍କର ଅକାଳ ବିୟୋଗ ଯୋଗୁଁ ସାଧାରଣରେ ଗଭୀର ଶୋକବ୍ୟକ୍ତ କରାଯାଇଛି । ପାରାଦୀପ ବଣିକ ସଂଘର ସଭାପତି ତଥା ବିଜେଡି ରାଜ୍ୟ ସଂପାଦକ ସନ୍ତୋଷ କୁମାର ପଟ୍ଟନାୟକ, ପାରାଦୀପ ବିଜୁ ଜନତା ଦଳର ସଭାପତି ତଥା ପୂର୍ବତନ ପୌରାଧ୍ୟକ୍ଷ ବସନ୍ତ ବିଶ୍ୱାଳ, ବନ୍ଧୁ ଶଶାଙ୍କ ଆଚାର୍ଯ୍ୟ, ରବିନ୍ଦ୍ର ଜେନା, ଆଦିତ୍ୟ ରାଉତରାୟ, ରାକେଶ ପଟ୍ଟନାୟକ, ବିଜେଡି ନେତା ଚିତରଂଜନ ରାଉତରାୟ ପ୍ରମୁଖଙ୍କ ସମେତ ବିଭିନ୍ନ ଅନୁଷ୍ଠାନ ତୋଫାନ ବିଶ୍ୱାଳଙ୍କ ବିୟୋଗରେ ଗଭୀର ଶୋକବ୍ୟକ୍ତ କରିଛନ୍ତି ।