ଭୁବନେଶ୍ୱର ଉତରରେ ଆରମ୍ଭ ହେଲା ପ୍ରଚାର: ମଇଦାନକୁ ଓହ୍ଲାଇଲେ ତିନି ପ୍ରମୁଖ ଦଳ
ଭୁବନେଶ୍ୱର, (ଓଏନ୍ଏସ୍): ଭୁବନେଶ୍ୱର ଉତର ନିର୍ବାଚନ ମଣ୍ଡଳୀରେ ପ୍ରଚାର ଆରମ୍ଭ ହୋଇଯାଇଛି । ଇତି ମଧ୍ୟରେ ବିଜେଡି ବିଧାୟକ ପ୍ରାର୍ଥୀ ସୁଶାନ୍ତ କୁମାର ରାଉତ ଓ ବିଜେପି ପ୍ରାର୍ଥୀନି ଅପରାଜିତା ମହାନ୍ତି ପ୍ରଚାର ମଇଦାନକୁ ଓହ୍ଲାଇଥିବା ବେଳେ ଆଜି କଂଗ୍ରେସ ଯୁବ ପ୍ରାର୍ଥୀ ଇତିଶ ପ୍ରଧାନ ତାଙ୍କ ଯୁବ କର୍ମୀମାନଙ୍କୁ ଧରି ପ୍ରଚାର ଆରମ୍ଭ କରିଛନ୍ତି । ଯୁବ କଂଗ୍ରେସର ଏହି ଟାଣୁଆ ନେତା ଜଣକ ରସୁଲଗଡ, ଜିଜିପି କଲୋନି ଓ ବିଭିନ୍ନ ବସ୍ତିରେ ଘରଘର ବୁଲି ଗୁରୁଜନ ମାନଙ୍କ ପାଦଛୁଇଁ ଆଶିର୍ବାଦ ଭିକ୍ଷା କରିଛନ୍ତି । ବିଭିନ୍ନ ସ୍ଥାନରେ ମଧ୍ୟ ପଥପ୍ରାନ୍ତ ସଭାରେ ଯୋଗ ଦେଇ କଂଗ୍ରେସର ପ୍ରତି ମାସରେ ୬ ହଜାର ଟଙ୍କା ଗରିବ ପରିବାରଙ୍କୁ ପ୍ରଦାନ କରାଯିବାର ଯୋଜନା ସମ୍ବନ୍ଧରେ ଲୋକମାନଙ୍କୁ କହୁଛନ୍ତି । ତାଙ୍କ ପ୍ରଚାରରେ ଅଧିକାଂଶ ଯୁବକ ସାମିଲ ହୋଇଥିବାର ଦେଖିବାକୁ ମିଳୁଛି ।