ସଡକ ଦୁର୍ଘଟଣାରେ ଦୁଇ ଗୁରୁତର
ମାର୍ଶାଘାଇ, (ଓଏନ୍ଏସ୍): କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଅନ୍ତର୍ଗତ ୫ ନମ୍ଵର କ ଜାତୀୟ ରାଜପଥର ଲୁଣା ବ୍ରିଜ୍ ଉପରେ ଜଣେ ବୃଦ୍ଧ ବ୍ୟକ୍ତିଙ୍କୁ ଏକ ମୋଟରସାଇକେଲ ଧକ୍କା ଦେବାରୁ ଚାଳକ ସମେତ ଦୁଇଜଣ ବ୍ୟକ୍ତି ଗୁରୁତର ହୋଇଛନ୍ତି । ସେମାନଙ୍କୁ ମାର୍ଶାଘାଇ ମେଡିକାଲରେ ଭର୍ତ୍ତି କରାଯାଇଛି । ମହାକାଳପଡା ବ୍ଲକ ଅଳାଇଲୋ ଗ୍ରାମ ପଞ୍ଚାୟତ ଅଳାଇଲୋ ଗ୍ରାମର ଗୌରାଙ୍ଗ ଦାସ (୪୮ବର୍ଷ) ଏକ ହିରୋହୋଣ୍ଡା ସିଡି ଡନ ଓଆର-୦୫ ଏଟି ୬୪୯୪ ରେ ବ୍ୟାଗ୍ ରେ ମାଛ ନେଇ ପାରାଦ୍ବୀପ ଅଭିମୂଖେ ଯିବା ସମୟରେ ହଠାତ ବୃଦ୍ଧ ବ୍ୟକ୍ତି ଜଣକ ବାଇକ୍ ସାମ୍ନାକୁ ଆସିଯିବାରୁ ଦୁର୍ଘଟଣା ଘଟିଥିବା ଜଣାଯାଇଛି । ଦୁର୍ଘଟଣାରେ ଆହତ ଗୌରାଙ୍ଗ ଓ ବୃଦ୍ଧ ଜଣକୁ ଦମକଳବାହିନୀ ନେଇ ମାର୍ଶାଘାଇ ମେଡିକାଲରେ ଭର୍ତ୍ତି କରିଛି । ବୃଦ୍ଧ ବ୍ୟକ୍ତି ଜଣକ ପାଗଳ ଭିକାରୀ ବୋଲି ଜଣାପଡ଼ିଛି ।