ଅଜଣା ଗାଡି ଧକାରେ ଯୁବକ ମୃତ
କେନ୍ଦ୍ରାପଡା, (ଓଏନ୍ଏସ୍): ଜାତୀୟ ରାଜପଥ ୫ ନମ୍ବର (କ)କେନ୍ଦ୍ରାପଡା ମଡରପୁର ଛକ ନିକଟରେ ସଡକ ଦୃର୍ଘଟଣାରେ ଜଣକର ମୃତୁ୍ୟ ହୋଇଛି । ମୃତକ ହେଲେ କେନ୍ଦ୍ରାପଡା ସଦର ଥାନା କଷଟି ଗ୍ରାମର ରଞ୍ଜିତ କୁମାର ଦାସ । ରଞ୍ଜିତ ତାଙ୍କ ଶ୍ୱଶୂର ଘର କଟକରୁ ଘରକୁ ଫେରୁଥିବା ବେଳେ ମଡରପୁର ଛକ ନିକଟରେ କୌଣସି ଅଜଣା ଗାଡି ଧକାରେ ଘଟଣା ସ୍ଥଳରେ ହିଁ ମୃତୁ୍ୟବରଣ କରିଛନ୍ତି । ଘଟଣା ସ୍ଥଳରେ ଦମକଳ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ କରିଥିଲା । ମୃତ ରଞ୍ଜିତଙ୍କର କେନ୍ଦ୍ରାପଡା ମୁଖ୍ୟ ଚିକିଛାଳୟରେ ଶବ ବ୍ୟବଛେଦ କରାଯାଇଛି । ପୋଲିସର ତଦନ୍ତ ଜାରିରହିଛି ।