ଆଲୋକ ମହାପାତ୍ର ପୂର୍ନବାର ପାରାଦୀପ ଯୁବ ବିଜେଡି ସଭାପତି ଭାବେ ମନୋନୀତ
ପାରାଦ୍ୱୀପ, (ଆଇଏନ୍ଏସ୍): ପାରାଦୀପ ବିଜେଡି ସଂଗଠନର ଯୁବ ସଭାପତି ଭାବେ ପୁନର୍ବାର ମନୋନୀତ ହୋଇଛନ୍ତି ଆଲୋକ ମହାପାତ୍ର । ଶ୍ରୀ ମହାପାତ୍ର ପୂର୍ବରୁ ପାରାଦୀପ ମହାବିଦ୍ୟାଳୟର ଛାତ୍ର ସଂସଦ ସଭାପତି ଠାରୁ ଆରମ୍ଭ କରି ନିଜର ଦକ୍ଷତା ବଳରେ ପାରାଦୀପ ବିଜୁ ଜନତା ଦଳ(ବିଜେଡି)ର ଯୁବ ସଭାପତି ହୋଇପାରିଛନ୍ତି । ପୁନର୍ବାର ଯୁବ ସଭାପତି ଭାବେ ମନୋନୀତ ହେବା ପରେ ଯୁବ ବିଜେଡି କର୍ମୀମାନଙ୍କ ମଧ୍ୟରେ ଖୁସିର ଲହଡ଼ି ଖେଳି ଯାଇଛି । ଏହି ପଦବିରେ ପୁନର୍ବାର ଅଧିଷ୍ଠିତ ହେବା ପରେ ଶ୍ରୀ ମହାପାତ୍ର ମାନ୍ୟବର ମୁଖ୍ୟମନ୍ତ୍ରୀ, ରାଜ୍ୟ ସଂଗଠନ ସଂପାଦକ, ରାଜ୍ୟ ସାଧାରଣ ସଂପାଦକ(ଯୁବ ବ୍ୟାପାର), ପାରାଦୀପ ବିଧାୟକ ସମ୍ବିତ ରାଉତରାୟ, ପାରାଦୀପ ନଗର ସଭାପତି ବସନ୍ତ ବଶ୍ୱାଳ, କାର୍ଯ୍ୟକାରୀ ସଭାପତି କୁମରବର ନାୟକ ଓ ଉଲ୍ଲାସ ବିଶ୍ୱାଳ ସମେତ ରାଜ୍ୟ ବିଜେଡି ସାଧାରଣ ସଂପାଦକ ପ୍ରମୋଦ କିଶୋର ଜେନା, ରାଜ୍ୟ ସଂପାଦକ ସନ୍ତୋଷ କୁମାର ପଟ୍ଟନାୟକ, ରାଜ୍ୟ ଯୁଗ୍ମ ସଂପାଦିକା ସବିତା ମହାପାତ୍ର, ପାରାଦୀପ ବିଜେଡିର ସମସ୍ତ କର୍ମୀ ଭାଇଭଉଣୀ ମାନଙ୍କ ନିକଟରେ କୃତଜ୍ଞତା ଜ୍ଞାପନ କରିଛନ୍ତି ।