ଇସାନେଶ୍ୱର ବସ୍ତିରେ ଉତ୍ତର ବିଧାୟକଙ୍କୁ ସମ୍ବର୍ଦ୍ଧନା
ଭୁବନେଶ୍ୱର, (ଆଇଏନ୍ଏସ୍): ନୀଳାଦ୍ରି ବିହାର ସ୍ଥିତ ଇସାାନେଶ୍ୱର ବସ୍ତି ଉନ୍ନୟନ ଟ୍ରଷ୍ଟ ପକ୍ଷରୁ ନବନିର୍ବାଚିତ ଭୁବନେଶ୍ୱର ଉତର ବିଧାୟକ ସୁଶାନ୍ତ କୁମାର ରାଉତଙ୍କୁ ସମ୍ବର୍ଦ୍ଧିତ କରାଯାଇଛି । ଟ୍ରଷ୍ଟ ତରଫରୁ ଆୟୋଜିତ ଏହି ସମ୍ବର୍ଦ୍ଧନା ସଭାରେ ୧୪ନଂ ୱାର୍ଡର ପୂର୍ବତନ କର୍ପୋରେଟର ଦେବୀ ପ୍ରସାଦ ମଲ୍ଲିକ, ସାମ୍ବାଦିକ ସୁକାନ୍ତ ରାଉତ ଅତିଥି ଭାବରେ ଯୋଗଦେଇଥିଲେ । ଏଥିରେ ବସ୍ତିର ବିଭିନ୍ନ ସମସ୍ୟା ସଂପର୍କରେ ବିଧାୟକଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ବିଧାୟକ କହିଥିଲେ ଯେ, ମାନ୍ୟବର ମୁଖ୍ୟମନ୍ତ୍ରୀ ବସ୍ତିବାସୀନ୍ଦାଙ୍କ ପାଇଁ ସବୁବେଳେ କାମ କରିଆସୁଛନ୍ତି । ଆମକୁ ମଧ୍ୟ ନିଦେ୍ର୍ଦଶ ଦେଇଛନ୍ତି ଲୋକଙ୍କ ପାଖକୁ ଯାଅ । ସୁବିଧା ଅସୁବିଧା ପଚାରି ବୁଝ । ତେଣୁ ଆପଣମାନେ ଚିନ୍ତା କରନ୍ତୁ ନାହିଁ । ବସ୍ତିର ନିଶ୍ଚିତ ଉନ୍ନତି ହେବ । ଏହି ସଭାକୁ ଟ୍ରଷ୍ଟର ସଂପାଦିକା ପ୍ରଭାସିନୀ କଅଁର, ଉପସଭାପତି ମନୋରଞ୍ଜନ ମହାନ୍ତି, ନିର୍ମଳି କଅଁର ଓ ଭାରତ ଚନ୍ଦ୍ର ଆଦକ, ଶ୍ରୀଧର ଦେହୁରୀ, ଶ୍ରୀବତ୍ସ ବଲ୍ଲଭ, ଉଦୟନାଥ ସାହୁ ପ୍ରମୁଖ ପରିଚାଳନା କରିଥିଲେ । ବସ୍ତିର ସମସ୍ତ ସ୍ୱୟଂ ସହାୟକ ଗୋଷ୍ଠୀ ଓ ବାସିନ୍ଦା ଉପସ୍ଥିତ ଥିଲେ ।