ଏବେ ବି ବଂଚିଛି ମାନବିକତା!
କେନ୍ଦ୍ରାପଡ଼ା, (ଆଇଏନ୍ଏସ୍): ଏଭଳି ଏକ ବିଭିଷୀକାମୟ ସମୟରେ ବି୍ୱଶିଷ ଭିତରେ ମାନବିକତା ବଂଚି ଥିବାର ପ୍ରମାଣ ମିଳିଛି । ପ୍ରାପ୍ତ ଖବର ଅନୁଯାୟୀ କେନ୍ଦ୍ରାପଡ଼ା ସହରର ସୁନାଇଲ ବାସିନ୍ଦା ଶ୍ରୀ ନୀଳମାଧବ କର୍ମକାରଙ୍କ ମନିପର୍ସ ହଜି ଯାଇଥିଲା । ସେହି ମନିପର୍ସ ଭିତରେ ୩,୨୩୦ ଟଙ୍କା ସହ ଗୋଟିଏ ଏଟିଏମ୍ କାର୍ଡ଼ ଥିଲା । କେନ୍ଦ୍ରାପଡ଼ା ସହରର ବଡ଼ହାଟ ବାସିନ୍ଦା ଶ୍ରୀ ବଳରାମ ବେହେରା(ଗୁଲୁ) ଉକ୍ତ ମନିପର୍ସଟିକୁ ପାଇଥିଲେ । ବହୁ ଅନୁସନ୍ଧାନ ପରେ ନୀଳମାଧବ ବାବୁଙ୍କୁ ସାକ୍ଷାତ କରି ତାଙ୍କର ମନିପର୍ସ ଫେରାଇ ଦେଇଥିଲେ । ଏଥିପାଇଁ ନୀଳମାଧବ ବାବୁ ଶ୍ରୀ ବେହେରାଙ୍କୁ ସାଧୁବାଦ୍ ଜଣାଇଛନ୍ତି । ଏଭଳି ମାନବିକତାପୂର୍ଣ୍ଣ କାର୍ଯ୍ୟ ପାଇଁ ସହରର ମାନ୍ୟଗଣ୍ୟ ବ୍ୟକ୍ତି ମାନେ ମଧ୍ୟ ଭୂୟସୀ ପ୍ରଶଂସା କରିଛନ୍ତି ।