ଓଡ଼ିଶାରେ ବିଜେପିର ୧୦ ଲୋକସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷିତ
ଭୁବନେଶ୍ୱର, (ଓଏନ୍ଏସ୍): ବିଜେପି ପକ୍ଷରୁ ଆଜି ଓଡ଼ିଶାର ୧୦ଟି ଲୋକସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷିତ ହୋଇଛି । ଜଣାପଡ଼ିଛି ଯେ, ଭାଜପା ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ତାଙ୍କର କେନ୍ଦ୍ରାପଡ଼ା ଆସନରୁ ପ୍ରାର୍ଥୀ ହୋଇଥିବା ବେଳେ ପୂର୍ବତନ ଭାରତୀୟ ପ୍ରଶାସନିକ ସେବା ଅଧିକାରୀ ଶ୍ରୀମତୀ ଅପରାଜିତା ଷଡ଼ଙ୍ଗୀ ଭୁବନେଶ୍ୱର ଆସନରେ ପ୍ରତିଦ୍ୱନ୍ଦିତା କରିବେ । ସେହିପରି ସୁନ୍ଦରଗଡ଼ ଲୋକସଭା ଆସନରୁ କେନ୍ଦ୍ରମନ୍ତ୍ରୀ ଜୁଏଲ ଓରାମ, ବଲାଙ୍ଗୀର ଲୋକସଭା ଆସନରୁ ସଙ୍ଗୀତା ସିଂହଦେଓ, ଢେଙ୍କାଳନାଳ ଲୋକସଭା ଆସନରୁ ଦୁଦ୍ରନାରାୟଣ ପାଣି, ବାଲେଶ୍ୱର ଲୋକସଭା ଆସନ ରୁ ପ୍ରତାପ ଷଡ଼ଙ୍ଗୀ, କେନ୍ଦୁଝର ଲୋକସଭା ଆସନ ରୁ ଅନନ୍ତ ନାଏକ, ନବରଙ୍ଗପୁର ଲୋକସଭା ଆସନ ରୁ ବଳଭଦ୍ର ମାଝୀ, ଆସିକା ଲୋକସଭା ଆସନ ରୁ ଅନୀତା ପି୍ରୟଦର୍ଶିନୀ ଓ ବ୍ରହ୍ମପୁର ଲୋକସଭା ଆସନରୁ ଭୃଗୁ ବକ୍ସିପାତ୍ର ପ୍ରତିଦ୍ୱନ୍ଦିତା କରିବେ ବୋଲି କେନ୍ଦ୍ରିୟ ନିର୍ବାଚନ କମିଟିର ସଂପାଦକ ଜେପି ନଡ୍ଡା ଉକ୍ତ ପ୍ରାର୍ଥମାନଙ୍କ ନାମ ଘୋଷଣା କରିଛନ୍ତି ।