ବିଜୁ ଯୁବବାହିନୀ ପକ୍ଷରୁ ମସାରୀ ଓ କମ୍ବଳ ବଂଟନ
ଭୁବନେଶ୍ୱର, (ଓଏନ୍ଏସ୍): ବିଜୁ ଯୁବ ବାହିନୀ ତରଫରୁ ମସାରୀ ଓ କମ୍ବଳ ବଂଟନ କାର୍ଯ୍ୟକ୍ରମ ଶିଖରଚଣ୍ଡି, ରାମମନ୍ଦିର, ମାଷ୍ଟର କ୍ୟାଂଟିନ୍ ଠାରେ ଅନୁଷ୍ଠିତ ହୋଇଯାଇଛି । ବୁଧବାର ରାତି ୧୨ଟାରେ ନୀଳାଦ୍ରି ବିହାର ୧୪ନଂ ୱାଡର ସଭାପତି ଅଂଶୁମାନ ଦାସଙ୍କ ନେତୃତ୍ୱରେ ପ୍ରଥମେ ଶିଖରଚଣ୍ଡି ଆର୍ଟି ଓ ସମ୍ମୁଖରେ ରାସ୍ତାରେ ଶୋଇଥିବା ଲୋକମାନଙ୍କୁ ମସାରୀ ଓ କମ୍ବଳ ଦିଆଯାଇଥିଲା । ଏହା ପରେ ରାମ ମନ୍ଦିର ଓ ମାଷ୍ଟର କ୍ୟାଂଟିନ୍ ଠାରେ ପ୍ରାୟ ୫୦ଟି କମ୍ବଳ ଓ ୧୦ଟି ମସାରୀ ବଂଟନ କରାଯାଇଥିଲା । ଏହି କାର୍ଯ୍ୟକ୍ରମରେ ସଭାପତିଙ୍କ ସହିତ ସଂଯୋଜିକା ରାଜଶ୍ରୀ ନାୟକ, ଅଭିନାଶ ଦାସ, ଶକ୍ତି ପ୍ରସାଦ ଦାସ, ଚିନ୍ମୟ କୁମାର ସାହୁ, ସରୋଜ ବେହେରା, ସମ୍ବିତ ସ୍ୱରୂପ ରାଉଳ, ବିଶ୍ୱରଞ୍ଜନ ସ୍ୱାଇଁ, ବିଜୟ କୁମାର ବେହେରା ଓ ପୂର୍ବତନ କର୍ପୋରେଟର ଦେବୀ ପ୍ରସାଦ ମଲ୍ଲିକ ଏବଂ ସୁକାନ୍ତ ରାଉତ ପ୍ରମୁଖ ଉପସ୍ଥିତ ଥିଲେ । ଯୁବ ବାହିନୀର ଏଭଳି କାର୍ଯ୍ୟକୁ ସ୍ଥାନୀୟ ଅଂଚଳରେ ପ୍ରଶଂସା କରାଯାଇଛି ।