ବିଜୁ ଶ୍ରମିକ ସମାବେଶରେ ଯୋଗ ଦେବାକୁ ଶ୍ରମିକ ନେତାଙ୍କୁ ନିମନ୍ତ୍ରଣ
ପାରାଦୀପ, (ଓଏନ୍ଏସ୍): ଆସନ୍ତା ୨୩ ତାରିଖରେ ତୈଳ ବିଶୋଧନାଗାର ସମ୍ମୁଖରେ ଆୟୋଜିତ ହେବାକୁ ଥିବା ବିଜୁ ଶ୍ରମିକ ମହାସମାବେଶରେ ଯୋଗଦେବା ପାଇଁ ପାରାଦୀପର ଶ୍ରମିକ ନେତା ତଥା ସ୍ଥାନୀୟ ଅଂଚଳର ୯ ଟି ସଂଗଠନର ସଭାପତି ଶ୍ରୀଯୁକ୍ତ ସନ୍ତୋଷ ପଟ୍ଟନାୟକଙ୍କୁ ସାଦରେ ନିମନ୍ତ୍ରଣ କରିଛନ୍ତି ବିଜୁ କଲ୍ୟାଣ ଶ୍ରମିକ ବୋର୍ଡର ଅଧ୍ୟକ୍ଷ ଶ୍ରୀ ସୁବାସ ସିଂହ ଓ ଶ୍ରମିକ ସାମୁଖ୍ୟର ଉପ ସଭାପତି ଶ୍ରୀ ଯୁଗୋଳ କିଶୋର ପଟ୍ଟନାୟକ । ଆଜି ଅପରାହ୍ନରେ ଜିରୋ ପଏଣ୍ଟ ସ୍ଥିତ ପୂର୍ବ ଭାରତ ତୈଳ ବିଶୋଧନାଗାର ଶ୍ରମିକ ସଂଘ କାର୍ଯ୍ୟାଳୟରେ ପହଁଚି ଆସନ୍ତା ୨୩ ତାରିଖରେ ହେବାକୁଥିବା ସମାବେଶରେ ଯୋଗ ଦେବାକୁ ନିମନ୍ତ୍ରଣ କରିଥିଲେ । ଶ୍ରୀଯୁକ୍ତ ପଟ୍ଟନାୟକ ଦୁଇ ନେତାଙ୍କୁ ସାଦର ସ୍ୱାଗତ କରିବା ସହିତ ବିଜୁ ଶ୍ରମିକ ସମାବେଶକୁ ସଫଳ କରିବାକୁ ନିର୍ଭର ପ୍ରତିଶୃତି ପ୍ରଦାନ କରିଥିଲେ । ତାଙ୍କ ହାତ ଗଢା ସମସ୍ତ ସଂଗଠନର ସଭ୍ୟ ସଭ୍ୟା ଉକ୍ତ ସମାବେଶରେ ଯୋଗଦେଇ କାର୍ଯ୍ୟ କ୍ରମକୁ ସଫଳ କରିବା ପାଇଁ ସହଯୋଗ କରିବାକୁ କହିଥିଲେ ।