ସନ୍ଧ୍ୟା ୬ଟା ପରେ ଔଷଧ ଓ କ୍ଷୀର ଦୋକାନକୁ ଛାଡ଼ି ସବୁ ବନ୍ଦ: ପୋଲିସର ପଇଁତରା
ବାଲେଶ୍ୱର (ଆଇଏନ୍ଏସ୍): କରୋନା କାୟା ବିସ୍ତାର କରୁଥିବା ବେଳେ ସାମ୍ପ୍ରତିକ ପରିସ୍ଥିତିକୁ ନେଇ ସୋର ବଜାରର କେବଳ ଔଷଧ ଓ କ୍ଷୀର ଦୋକାନକୁ ଛାଡ଼ି ସମସ୍ତ ଦୋକାନକୁ ସନ୍ଧ୍ୟା ୬ଟା ପରେ ବନ୍ଦ କରିଦିଆଯାଇଛି । ଏସମ୍ପର୍କରେ ଡାକବାଜି ଯନ୍ତ୍ର ଦ୍ୱାରା ପ୍ରଚାର କରାଯାଇଥିଲା । ସନ୍ଧ୍ୟା ୬ଟା ହେବା ପରେ ପୋଲିସ ବଜାରରେ ବୁଲି ବୁଲି ଖୋଲା ଥିବା ଦୋକାନ ସବୁ ବନ୍ଦ କରିଥିଲା । ଫଳରେ ସନ୍ଧ୍ୟା ୮ଟା ପରେ ରାସ୍ତଘାଟ ଶୂନଶାନ ହୋଇ ପଡ଼ିଥିଲା । କାଁ ଭାଁ କେଉଁଠି ଗୋଟେ ଅଧେ ଗାଡ଼ି କିମ୍ବା ଜଣେ ଦୁଇଜଣ ଲୋକଙ୍କୁ ଛାଡ଼ି ଦେଲେ ରାସ୍ତାରେ କାହାକୁ ଦେଖିବାକୁ ମିଳିନଥିଲା ।