ଅଖିଳ ବିଶ୍ୱ ଗାୟତ୍ରୀ ପରିବାର ପକ୍ଷରୁ ସ୍ୱଚ୍ଛତା ଅଭିଯାନ

ଭୁବନେଶ୍ୱର, (ଆଇଏନ୍ଏସ୍): ଅଖିଳ ବିଶ୍ୱ ଗାୟତ୍ରୀ ପରିବାର ପକ୍ଷରୁ ପବିତ୍ର ୧୫୦ତମ ଗାନ୍ଧୀ ଜୟନ୍ତୀ ଉପଲକ୍ଷେ ସ୍ୱଚ୍ଛତା ଅଭିଯାନ ଅନୁଷ୍ଠିତ ହୋଇଯାଇଛି । ଆଜି ସକାଳ ୭ଟାରେ ପଟିଆସ୍ଥିତ ମା’ ଶିଖରଚଣ୍ଡୀ ମନ୍ଦିର ଠାରୁ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇ ଇମ୍ଫୋସିଟି ଛକଠାରେ ଶେଷ ହୋଇଥିଲା । ଏହି କାର୍ଯ୍ୟକ୍ରମରେ ରାଜ୍ୟ ସଂଯୋଜକ ବଳରାମ ସାହୁ, ସୂର୍ଯ୍ୟନାରାୟଣ ମିଶ୍ର, ବିଳାସିନୀ ସାହୁ, ସ୍ଥାନୀୟ ଯୁବ ମଂଚର ଅଧ୍ୟକ୍ଷ ବାପି ଭାଇ, ଶ୍ରୀରାମ ସେବା ସଂସ୍ଥାନର ପ୍ରତାପ କୁମାର ସ୍ୱାଇଁ, ପିତାମ୍ବର ମିଶ୍ର, ଅଗାଧୁ ମହାପାତ୍ର, ପଦ୍ମନାଭ ସାହୁ ପ୍ରମୁଖ ଯୋଗଦାନ କରି ରାସ୍ତାଘାଟ ସଫେଇ କରିଥିଲେ । ଏହି କାର୍ଯ୍ୟକ୍ରମକୁ କୃପାସିନ୍ଧୁ ଷଢ଼ଙ୍ଗୀ ପରିଚାଳନା କରିଥିଲେ ।