ହାଲୋ ଆର୍ସି ମର୍ଯ୍ୟାଦା ସମ୍ପନ୍ନ ୨୨ତମ ଟାଲିନ ବ୍ଲକ ନାଇଟ ଫିଲ୍ମ ଫେଷ୍ଟିଭାଲ ପାଇଁ ମନୋନୀତ
ଭୁବନେଶ୍ୱର, (ଆଇଏନ୍ଏସ୍): ଆପଣ ଜାଣି ଖୁସି ହେବେ ଯେ ବେଦମାତା ପ୍ରଡକ୍ସନ ପ୍ରଯୋଜିତ ହାଲୋ ଆର୍ସି ମର୍ଯ୍ୟାଦା ସମ୍ପନ୍ନ ୨୨ତମ ଟାଲିନ ବ୍ଲାକ ନାଇଟସ ଫିଲ୍ମ ଫେଷ୍ଟିଭାଲ,( Tallinn Black Nights Film Festival) ଇସ୍ତୋନିଆ, ୟୁରୋପ ପାଇଁ ପ୍ରଥମ ପୂର୍ଣ୍ଣାଙ୍ଗ ଫିଲ୍ମ ପ୍ରତିଯୋଗିତା (First Feature Competition category) ପାଇଁ ମନୋନୀତ ହୋଇଛି | ଟାଲିନଠାରେ ନଭେମ୍ବର ୧୬ ତାରିଖଠାରୁ ୨ ଡିସେମ୍ବର ପର୍ଯ୍ୟନ୍ତ ଏହି ଆନ୍ତର୍ଜାତିକ ଫିଲ୍ମ ଫେଷ୍ଟିଭାଲ ଅନୁଷ୍ଠିତ ହେବ | ବେଦମାତା ପ୍ରଡକ୍ସନ ପ୍ରଯୋଜିତ ହାଲୋ ଆର୍ସି ପକ୍ଷରୁ ପ୍ରଯୋଜକ ଅଜୟ ରାଉତରାୟ ଏହି ଫିଲ୍ମ ମହୋତ୍ସବରେ ଯୋଗ ଦେବେ | ଉଲ୍ଲେଖଯୋଗ୍ୟ ଯେ ହାଲୋ ଆର୍ସି ୬୫ତମ ଜାତୀୟ ଫିଲ୍ମ ପୁରସ୍କାର କ୍ରମରେ ଶ୍ରେଷ୍ଠ ଓଡ଼ିଆ ଫିଲ୍ମ, ଶ୍ରେଷ୍ଠ ସଂଳାପ ଓ ଶ୍ରେଷ୍ଠ ଅଭିନେତ୍ରୀ (ସ୍ୱତନ୍ତ୍ର ଉଲ୍ଲେଖ) ସମ୍ମାନ ପ୍ରାପ୍ତ ହୋଇଥିଲା |
ଏହି ବିଭାଗର ପ୍ରତିଯୋଗିତା ପାଇଁ ପାଞ୍ଚଟି ମହାଦେଶର ୧୧ଟି ମଧ୍ୟରୁ ଏସିଆରୁ କେବଳ୨ଟି ଫିଲ୍ମ ମନୋନୀତ ହୋଇଛି, ୬ଟି ୟୁରୋପୀୟ, ଗୋଟିଏ ଆଫ୍ରିକୀୟ ଓ ୨ଟି ଆମେରିକୀୟ ମଧ୍ୟ ପ୍ରତିଯୋଗିତାରେ ଅବତୀର୍ଣ ହେବେ |
ଉଲ୍ଲେଖଯୋଗ୍ୟଯେ ନର୍ଡିକ ଦେଶ ସମୂହ ଓ ପୂର୍ବ ୟୁରୋପରେ ଟାଲିନ ବ୍ଲକ ନାଇଟ ଫିଲ୍ମ ଫେଷ୍ଟିଭାଲର ଏକ ବିଶିଷ୍ଟ ମହତ୍ୱ ରହିଛି | ସବିଶେଷ ତଥ୍ୟ ପାଇଁ ୨୨ତମ ଟାଲିନ ବ୍ଲକ ନାଇଟ ଫିଲ୍ମ ଫେଷ୍ଟିଭାଲ ପ୍ରେରଣ କରିଥିବା ମେଲର ନମୁନା ନିମ୍ନରେ ସଂଯୁକ୍ତ ହୋଇଛି|