ସାଂସ୍କୃତିକ କାର୍ଯ୍ୟକ୍ରମ ଓ ସଫଳ ବ୍ୟକ୍ତିତ୍ୱ ମାନଙ୍କୁ ସମ୍ବର୍ଦ୍ଧନା

ଭୁବନେଶ୍ୱର, (ଆଇଏନ୍ଏସ୍): କଳାରାହାଙ୍ଗ ଗ୍ରାମ ପଂଚାୟତ ଅଧିନସ୍ଥ ଇଞ୍ଜଣା ଗ୍ରାମରେ ଲକ୍ଷ୍ମୀପୂଜା ଅବସରରେ ଏକ ସାଧାରଣ ସଭା ସହ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଭୁବନେଶ୍ୱର-ଉତର ବିଧାୟକ ଶ୍ରୀଯୁକ୍ତ ପ୍ରିୟଦର୍ଶୀ ମିଶ୍ର, ସମ୍ମାନିତ ଅତିଥି ଭାବେ ଜୋନ ନଂ.୩୦ ଜିଲ୍ଲା ପରିଷଦ ସଭ୍ୟ ଶ୍ରୀ କୁନାଲ ରାଉତ ଯୋଗଦେଇ ୨୦୧୮ର ୧୦ମ ବୋର୍ଡ ପରିକ୍ଷାରେ ସଫଳତା ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କ ସହ ଗ୍ରାମର ଶତାବ୍ଦୀ ମିଶ୍ରଙ୍କୁ ଓଡିଶା ପ୍ରଶାସନିକ ସେବା ଏବଂ ଓ.ଏଫ.ଏସ୍.ରେ ସଫଳତା ନିମନ୍ତେ ତଥା ଗ୍ରାମର ୨ଜଣ ସଫଳ ଚାଷୀଙ୍କୁ ସମ୍ବର୍ଦ୍ଧିତ କରିଥିଲେ । ଅନ୍ୟ ଅତିଥିମାନଙ୍କ ମଧ୍ୟରେ ଯାଦବ ମହାସଭା ସଭାପତି ଶ୍ରୀ ଲକ୍ଷ୍ମୀଧର ବେହେରା, ଗ୍ରାମ ସଭାପତି ଶ୍ରୀ ଶରତ ମହାଭୋଇ, ସମ୍ପାଦକ ଶୁଭକାନ୍ତ ବେହେରା, ହରିହର ମହାଭୋଇ, ଇନ୍ଦ୍ରମଣୀ ମହାଭୋଇ, ଦିନବନ୍ଧୁ ସାହୁ ପ୍ରମୁଖ ଉପସ୍ଥିତ ଥିଲେ । ୧୦ମ ବୋର୍ଡ ପରିକ୍ଷାରେ ସଫଳତା ନିମନ୍ତେ ସମ୍ବର୍ଦ୍ଧିତ ଛାତ୍ରଛାତ୍ରୀ ମାନେ ହେଲେ ସ୍ମୃତି ରଞ୍ଜନ ଦାସ, ଅନନ୍ୟା ଅନୁଷ୍କା, ବର୍ଷାରାଣୀ ବେହେରା, ପୂଜା ଜେନା, ବିଶ୍ୱଜିତ ସାହୁ, ମିଲନ ସାହୁ, ରାଜେସ୍ ବେହେରା ଓ ସରୋଜ ମହାଭୋଇ । ଶେଷରେ ଶ୍ରୀ ଲକ୍ଷ୍ମୀଧର ବାରିକଙ୍କ ଦ୍ୱାରା ଭଜନ ପରିବେଷଣ କରାଯାଇଥିଲା ।