ଭୁବନେଶ୍ୱର ବାଲିଯାତ୍ରାର ଭୂମିପୂଜା ଉତ୍ସବ ଅନୁଷ୍ଠିତ

ଭୁବନେଶ୍ୱର, (ଆଇଏନ୍ଏସ୍): ପବିତ୍ର ଦିପାବଳୀ ଅବସରରେ ଭୁବନେଶ୍ୱର ବାଲିଯାତ୍ରାର ଭୂମିପୂଜା ଉତ୍ସବ ଅନୁଷ୍ଠିତ ହୋଇଯାଇଛି । ଭୁବନେଶ୍ୱର ଦ୍ୱିତୀୟ ବର୍ଷ ବାଲିଯାତ୍ରା ଉପଲକ୍ଷେ ପଟିଆ ବନ୍ଧ ଜରିପାଟଣା ଛକ ସଂଲଗ୍ନ କୁଆଖାଇ ପଠାରେ ଭୂମିପୂଜା ଉତ୍ସବ ଅନୁଷ୍ଠିତ ହୋଇଥିଲା । ଏଥିରେ ପୂର୍ବତନ ସଭାପତି ବାଲିଯାତ୍ରାର ଅନ୍ୟତମ ବିନ୍ଧାଣୀ ଅଭୟ ବଡଜେନା କର୍ତାଭାବେ ପୂଜାକାର୍ଯ୍ୟ ତୁଲାଇ ଥିଲେ । ବାଲିଯାତ୍ରା କମିଟିର ବରିଷ୍ଠ ସଭ୍ୟମାନଙ୍କ ମଧ୍ୟରେ ଆଶୁତୋଷ ସାମନ୍ତରାୟ, ସୁବାଶ ପାତ୍ର, ଅଶୋକ ପାତ୍ର, ଲକ୍ଷ୍ମୀଧର ପରିଡା, ଦୀପକ ତ୍ରିପାଠୀ, ରବିନ୍ଦ୍ର ତ୍ରିପାଠୀ, ରବିନ୍ଦ୍ରନାଥ ପଲେଇ, ଭାସ୍କର ନାୟକ, ପ୍ରଦୀପ ପରିଡା, ଦିବାକର ପରିଡା, ବଜେନ୍ଦ୍ର ବାରିକ ପ୍ରମୁଖଙ୍କ ଉପସ୍ଥିତିରେ ସଂକୀର୍ତନ, ଘଂଟ ଶଙ୍ଖ ଧ୍ୱନୀରେ ପୂଜାର୍ଚ୍ଚନା କରାଯାଇ ଜୟ ହନୁମାନଙ୍କର ୫ଟି ବାନା ପୋତା ଯାଇଥିଲା । ଅକ୍ଷୟ ବେହେରା ଏବଂ ରସାନ୍ତ ଭୋଇ ମଂଚେଶ୍ୱରର ମଂଚନାଥଙ୍କ ଆଜ୍ଞାମାଳ ଆଣି ଉକ୍ତ ସ୍ଥଳରେ ପହଂଚିବା ପରେ ପୂଜାକାର୍ଯ୍ୟ ସମାପନ ହୋଇଥିଲା