ପାଟକୁରାରେ ଖୁର ମାଡ, ଯୁବକ ଗୁରୁତର!

କେନ୍ଦ୍ରାପଡ଼ା, (ଆଇଏନ୍ଏସ୍): ଗତକାଲି ସନ୍ଧ୍ୟାରେ ପାଟକୁରା ଥାନା ଚାଞ୍ଚଳ ଗ୍ରାମର ନଗରୀପଡା ଛକ ଠାରେ ଜଣେ ଯୁବକକୁ ଖୁର ମାଡ କରାଯାଇଛି । ଖୁର ଆକ୍ରମଣ ରେ ଯୁବକର ବେକ, ଗାଲ ଓ ଡାହାଣ କାନ୍ଧରେ ଗଭୀର କ୍ଷତ ସୃଷ୍ଟି ହୋଇଛି । ଗୁରୁତର ଯୁବକ ଜଣଙ୍କ ନଗରୀପଡା ଗାଁର ତାପସ ବରାଳ ବୋଲି ଜଣା ପଡିଛି । ପ୍ରବଳ ରକ୍ତ ସ୍ରାବ ଯୋଗୁ ଅଚେତ ହୋଇ ପଡିଥିବା ତାପସକୁ ପ୍ରଥମେ ପାଟକୁରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ କଟକ ସ୍ଥାନାନ୍ତର କରାଯାଇଛି । ସୂଚନାଯୋଗ୍ୟ ଯେ, ଗତକାଲି ସନ୍ଧ୍ୟାରେ ତାପସ ଘରକୁ ଫେରୁଥିବା ସମୟରେ ଚାଞ୍ଚଳ ନଗରୀପଡା ଛକ ଠାରେ ସ୍ଥାନୀୟ ଚାଞ୍ଚଳ ଗ୍ରାମର କିଛି ଯୁବକ ତାଙ୍କୁ ଅଟକାଇ ଥିଲେ । କୌଣସି କଥାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଚାଞ୍ଚଳ ଗ୍ରାମର ଯୁବକ ମାନେ ତାପସଙ୍କୁ ଏକ ଧାରୁଆ ଖୁରରେ ଆକ୍ରମଣ କରିଥିଲେ । ତେବେ ଏହି ଆକ୍ରମଣ ପଛରେ ପୂର୍ବ ଶତ୍ରୁତା ଥିବା ସନ୍ଦେହ କରାଯାଉଛି । ଘଟଣା ସ୍ଥଳରେ ପାଟକୁରା ପୁଲିସ ପହଂଚି ଛାନଭିନ ଆରମ୍ଭ କରିଛି ।