ଆଇ.ସି.ଏର ବାର୍ଷିକ ଉତ୍ସବ ସମ୍ଭାବନା ଅନୁଷ୍ଠିତ

ଭୁବନେଶ୍ୱର, (ଓଏନ୍ଏସ୍): ଶୈଳଶ୍ରୀ ବିହାର ମହର୍ଷି ମହିଳା ମହାବିଦ୍ୟାଳୟ ପଡିଆଠାରେ ଆଇ.ସି.ଏର ଦ୍ୱିତୀୟ ବାର୍ଷିକ ଉତ୍ସବ ସମ୍ଭାବନା ମହା ସମାରୋହରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ଓୟୁଏଟିର ପୁର୍ବତନ ଡିନ୍ ବୁଧଦେବ ବାସୁଦେବ ମିଶ୍ର ଯୋଗଦେଇ ଦକ୍ଷତା ବିକାଶ ଉପରେ ଗୁରୁତ୍ୱାରୋପ କରିଥିଲେ । ବିଶିଷ୍ଟ ଅତିଥି ଭାବେ ଉତର ଭୁବନେଶ୍ୱର ବିଧାୟକ ପ୍ରିୟଦର୍ଶୀ ମିଶ୍ର, ସମ୍ମାନୀତ ଅତିଥି ଭାବେ ରାଜ କିଶୋର ପ୍ରଧାନ, ଭୁବନେଶ୍ୱର ବିଜେପି ସଭାପତି ହରେକୃଷ୍ଣ ଖୁଂଟିଆ ପ୍ରମୁଖ ଯୋଗଦାନ କରିଥିଲେ । ସର୍ପେଶ୍ୱର ଶିକ୍ଷା ବିକାଶ ଟ୍ରଷ୍ଟ ଦ୍ୱାରା ପରିଚାଳିତ ଆଇ.ସି.ଏର ପିଲାମାନଙ୍କ ଦ୍ୱାରା ରଙ୍ଗରଙ୍ଗ କାର୍ଯ୍ୟକ୍ରମ ସମ୍ଭାବନା ଏବଂ ଓଡିଶାର ଲୋକକଳା ସଂସ୍କୃତିକୁ ନେଇ ନାଟକ ଢୋଲ୍ ସେନାପତି ମଂଚସ୍ଥ ହୋଇଥିଲା । ଅନୁଷ୍ଠାନର ସିଇଓ ସନ୍ତୋଷ ଦାସ ସଭାକାର୍ଯ୍ୟ ପରିଚାଳନା କରିଥିବା ବେଳେ ନିଦେ୍ର୍ଦଶକ ସୁକାନ୍ତ କୁମାର ପରିଡା ବାର୍ଷିକ ବିବରଣୀ ପାଠ କରିଥିଲେ । ଏହି ଅବସରରେ ବିଶିଷ୍ଟ ଶିକ୍ଷାବିତ୍ ସମ୍ମାନରେ ଗତିକୃଷ୍ଣ ଉତର କବାଟଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏଥି ସହିତ ବରିଷ୍ଠ ନାଗରିକ, ଉଚ୍ଚମାଧ୍ୟମିକ ପରୀକ୍ଷାରେ ଅଧିକ ନମ୍ବର ରଖିଥିବା ଛାତ୍ର ଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା । ଶେଷରେ ଅନୁଷ୍ଠାନର ପ୍ରଶିକ୍ଷକ ଅମୁଲ୍ୟ କୁମାର ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।