କେନ୍ଦ୍ରାପଡ଼ାରେ ମହାପୁରୁଷ ମହମ୍ମଦଙ୍କର ପବିତ୍ର ଜନ୍ମ ଉଛବ ଶୋଭାଯାତ୍ରାକୁ ସ୍ୱାଗତ କଲେ ନେତାମାନେ!

କେନ୍ଦ୍ରାପଡ଼ା, (ଅନନ୍ତ ଗୋପାଳ ସାହୁଙ୍କ ରିପୋର୍ଟ) : ମହାପୁରୁଷ ମହମ୍ମଦଙ୍କର ପବିତ୍ର ଜନ୍ମ ଉଛବ କାର୍ଯ୍ୟକ୍ରମ କେନ୍ଦ୍ରାପଡ଼ା ସହରରେ ମହା ସମାରୋହରେ ପାଳିତ ହୋଇ ଯାଇଛି । ଏହି ଅବସରରେ ଜିଲ୍ଲାର ବିଭିନ୍ନ ଇସଲାମଧର୍ମୀ ସଂଗଠନ ଏକତି୍ରତ ହୋଇ ଏକ ବିଶାଳ ଶୋଭାଯାତ୍ରାରେ ସହର ପରିକ୍ରମା କରିଥିଲେ । କେନ୍ଦ୍ରାପଡ଼ା ହାଇସ୍କୁଲ ପଡ଼ିଆ ଠାରୁ ଆରମ୍ଭ ହୋଇଥିବା ଏହି ଶୋଭାଯାତ୍ରା ପୁରୁଣା ମଟର ଷ୍ଟାଣ୍ଡ, ବଡ଼ହାଟ ଏବଂ ନୂଆ ବସ ଷ୍ଟାଣ୍ଡ ଦେଇ ଇଦଘା ପଡ଼ିଆରେ ପହଂଚି ଥିଲା । ଏଥିରେ ୧୦ ହଜାରରୁ ଅଧିକ ଇସଲାମ ଧର୍ମୀ ଲୋକମାନେ ଯୋଗ ଦେଇଥିଲେ । ସୂଚନାଯୋଗ୍ୟ ଯେ, ପୁରୁଣା ବସ ଷ୍ଟାଣ୍ଡ ଠାରେ କେନ୍ଦ୍ରାପଡ଼ା ବିଧାୟକ କିଶୋର ଚନ୍ଦ୍ର ତରାଇ, କେନ୍ଦ୍ରାପଡ଼ା ଜିଲ୍ଲା ପରିଷଦ ଅଧ୍ୟକ୍ଷ ମାନସ ପରିଡ଼ା, ବିଜେଡ଼ିର ବରିଷ୍ଠ ନେତା ପ୍ରମୋଦ ସାହୁ, କେନ୍ଦ୍ରାପଡ଼ାର ପୂର୍ବତନ ସାଂସଦ ବୈଜୟନ୍ତ ପଣ୍ଡା, ସରକାରୀ ଓକିଲ ତଥା ବିଜେଡ଼ି ନେତା ସଂଜୟ କୁମାର ଜେନା, ପୂର୍ବତନ ମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ଗଣେଶ୍ୱର ବେହେରା, ବିଜେଡ଼ି ନେତା ଦେବଦାସ ମହାନ୍ତି, ପୂର୍ବତନ କେନ୍ଦ୍ରାପଡ଼ା ବିଜେଡ଼ି ସଂଖ୍ୟାଲଘୁ ସଭାପତି ସଲିମ ଖାନ, ପୂର୍ବତନ ବିଧାୟକ ଚିନ୍ମୟ ବେହୁରା ଓ କଂଗ୍ରେସ ସଂଖ୍ୟାଲଘୁ ସଭାପତି ଅବଦୂଲ ସତାର ପ୍ରମୁଖ ଶୋଭାଯାତ୍ରାକାରୀଙ୍କୁ ବିପୁଳ ସ୍ୱାଗତ କରିବା ସହିତ ସେମାନଙ୍କ ସହ କର ମର୍ଦ୍ଦନ କରି ସମସ୍ତଙ୍କୁ ଉତ୍ସାହିତ କରିଥିଲେ ।