କେନ୍ଦ୍ରାପଡ଼ାରେ ପ୍ରଥମ ବାଲିଯାତ୍ରା ଉତ୍ସବର ଶୁଭାରମ୍ଭ

କେନ୍ଦ୍ରାପଡ଼ା,(ଆଇଏନ୍ଏସ୍):କେନ୍ଦ୍ରାପଡ଼ାରେ ପ୍ରଥମ କରି ବାଲିଯାତ୍ରା ଆରମ୍ଭ ହୋଇଛି । ଏହି ଉଛବ ଏକ ବର୍ଣ୍ଣାଢ଼୍ୟ ପରିବେଶ ମଧ୍ୟରେ ଶୁଭାରମ୍ଭ ହୋଇଛି । ଏହା କେନ୍ଦ୍ରାପଡ଼ା ବାଲିଯାତ୍ରା କମିଟି ଆନୁକୂଲ୍ୟରେ ଗରାପୁର ଗୋବରୀ ନଦୀ ବନ୍ଧ ଠାରେ ଆୟୋଜିତ ହୋଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କେନ୍ଦ୍ରାପଡ଼ା ବିଧାୟକ କିଶୋର ଚନ୍ଦ୍ର ତରାଇ ଯୋଗ ଦେଇ ବାଲିଯାତ୍ରା ଉଛବକୁ ଉଦଘାଟନ କରିଥିଲେ । ଏଥିସହ କେନ୍ଦ୍ରାପଡ଼ା ଜିଲ୍ଲାପାଳ ଦାଶରଥୀ ଶତପଥୀ, କେନ୍ଦ୍ରାପଡ଼ା ଜିଲ୍ଲା ପରିଷଦ ଅଧ୍ୟକ୍ଷ ମାନସ ପରିଡ଼ା, କେନ୍ଦ୍ରାପଡ଼ା ବ୍ଲକ ଅଧ୍ୟକ୍ଷ ଅନାମ ବନ୍ଧୁ ଧଳ ଓ ଉପଜିଲାପାଳ ସଂଜୟ କୁମାର ମିଶ୍ର ସମ୍ମାନୀତ ଅତିଥି ଭାବେ ଯୋଗଦେଇ ପ୍ରଥମ କରି କେନ୍ଦ୍ରାପଡ଼ାରେ ଆୟୋଜିତ ହେଉଥିବା ବାଲିଯାତ୍ରା ଉଛବ ଓ ପରିଚାଳନା କମିଟିକୁ ପ୍ରଶଂସା କରିବା ସହିତ ସ୍ୱାଗତ କରିଥିଲେ ଓ ଓଡ଼ିଶାର ନୌବାଣିଜ୍ୟ ପରମ୍ପରା ସଂପର୍କରେ ବ୍ୟାପକ ଆଲୋକପାତ କରିଥିଲେ । ଏହି ଉଛବ ୩ ଦିନ ଧରି ଚାଲିବ ବୋଲି କମିଟି ପକ୍ଷରୁ କୁହାଯାଇଛି । ତେବେ ଆୟୋଜନ କମିଟିର ସଭାପତି ପ୍ରଦୀପ କୁମାର ଦାସ, ସଂପାଦକ ସଂଜୟ କୁମାର ଜେନା ଏବଂ ଗୁଲନଗର ସରପଂଚ ପୀତବାସ ଜେନା ସଂପୂର୍ଣ୍ଣ କାର୍ଯ୍ୟକ୍ରମ ପରିଚାଳନାରେ ପ୍ରମୁଖ ଭୂମିକା ଗ୍ରହଣ କରିଥିଲେ ।