କେନ୍ଦ୍ରାପଡ଼ା ବୋଇତ ବନ୍ଦାଣ ସମିତିର ସୁବର୍ଣ୍ଣ ଜୟନ୍ତୀ ସମାରେହ

କେନ୍ଦ୍ରାପଡ଼ା, (ଅନନ୍ତ ଗୋପାଳ ସାହୁଙ୍କ ରିପୋର୍ଟ): କେନ୍ଦ୍ରାପଡ଼ା ବୋଇତ ବନ୍ଦାଣ ସମିତି ପକ୍ଷରୁ ତାହାର ସୁବର୍ଣ୍ଣ ଜୟନ୍ତୀ ମହା ସମାରୋହରେ ପାଳିତ ହୋଇ ଯାଇଛି । କେନ୍ଦ୍ରାପଡ଼ା ପୌରସଂସ୍ଥା ଟାଉନ ହଲ୍ ଠାରେ ଆୟୋଜିତ ବୋଇତ ବନ୍ଦାଣ ଉତ୍ସବରେ କେନ୍ଦ୍ରାପଡ଼ା ଜିଲ୍ଲାପାଳ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ବିଶିଷ୍ଟ ସାହିତି୍ୟକ ଶତୃଘ୍ନ ପାଣ୍ଡବ ମୁଖ୍ୟ ବକ୍ତା, ଆନ୍ଧ୍ର ପ୍ରଦେଶର ଅବସରପ୍ରାପ୍ତ ପୋଲିସ ମହାନିଦେ୍ର୍ଦଶକ ଶେଖ୍ ସୟଦ ଅନୱରଲୁ ହୁଦା ଓ ଉପଜିଲ୍ଲାପାଳ ସଂଜୟ କୁମାର ମିଶ୍ର ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଅନ୍ୟ ଅତିଥି ମାନଙ୍କ ମଧ୍ୟରେ ଥିଲେ ଡ଼.ବିରଂଚି ନାରାୟଣ ଜଗଦେବ ଓ ଗାୟତ୍ରୀ ମହାନ୍ତି । ସ୍ଥାନୀୟ ଅର୍ବାନ ବ୍ୟାଙ୍କର ସିଇଓ ଶୁଶିଲ କୁମାର ସାମଲ ଅତିଥି ପରିଚୟ ପ୍ରଦାନ କରିଥିବାବେଳେ ବୈଷ୍ଣବ ପ୍ରଧାନ ସ୍ୱାଗତ ଭାଷଣ ଦେଇଥିଲେ । ସମିତିର ସଭାପତି ପୂର୍ବତନ ବିଧାୟକ ଚିନ୍ମୟ ବେଉରା, ସଂପାଦକ ସଂଜୟ ରାଉତ ଏବଂ ସମିତିର ଉପଦେଷ୍ଟା ପ୍ରଦୀପ କୁମାର ମହାନ୍ତି ସଂପୂର୍ଣ୍ଣ କାର୍ଯ୍ୟକ୍ରମ ପରିଚାଳନାରେ ପ୍ରମୁଖ ଭୂମିକା ଗ୍ରହଣ କରିଥିଲେ ।
କାର୍ଯ୍ୟକ୍ରମ ଶେଷରେ ମୁକ୍ତାର ଖାଁ ଧନ୍ୟବାଦ ଅର୍ପଣ କରିଥିଲେ । ସୂଚନାଯୋଗ୍ୟ ଯେ, ଉକ୍ତ ସମିତି ପକ୍ଷରୁ ସକାଳେ ସ୍ଥାନୀୟ ମହାଭୋଇ ପୋଖରୀ ଠାରେ ଆୟୋଜିତ ପାରମ୍ପରିକ ବୋଇତ ବନ୍ଦାଣ କାର୍ଯ୍ୟକ୍ରମକୁ ପୌରସଂସ୍ଥା ଅଧିକାରୀ ଦେବ ପ୍ରସାଦ ବଳ ଉଦ୍ଘାଟନ କରିଥିଲେ ।