ଗୋପିନାଥପୁର ସଂସ୍କୃତ ମହାବିଦ୍ୟାଳୟରେ ବାର୍ଷିକ ଉତ୍ସବ

ମହାକାଳପଡା,(ଓଏନ୍ଏସ୍): ମହାକାଳପଡା ଯଦୁପୁର ପଂଚାୟତରେ ଥିବା ଗୋପିନାଥପୁର ସଂସ୍କୃତ ମହା ବିଦ୍ୟାଳୟରେ ୭୦ ତମ ସାଧାରଣତନ୍ତ୍ର ଦିବସ ପାଳନ ସହିତ ବାର୍ଷିକ ଉଛବ ସମାପନ ହୋଇଯାଛି । ମହାବିଦ୍ୟାଳୟର ଅଧ୍ୟକ୍ଷ ଙ୍କ ଦ୍ୱାରା ଜାତୀୟ ପତାକା ଉତୋଳନ କରାଯାଇଥିଲା । ମୁଖ୍ୟ ଅତିଥି ଭାବେ ତୁଳସୀ ସଂସ୍କୃତ ମହାବିଦ୍ୟାଲୟର ଅଧ୍ୟକ୍ଷ ଶ୍ରୀଯୁକ୍ତ ସୁକାନ୍ତ କୁମାର ଦାସ, ମୁଖ୍ୟ ବକ୍ତା ଭାବେ ଇତିହାସ ବିଭାଗ ଅଧ୍ୟାପକ ସୁକାନ୍ତ କୁମାର ଜେନା, ସମ୍ମାନୀତ ଅତିଥି ଭାବେ ଇନ୍ଦ୍ରମଣୀ ନାୟକ, ପବିତ୍ର କୁମାର ସ୍ୱାଇଁ, ଗଗନ ବିହାରୀ କର ଏହି ଉସôବରେ ଯୋଗ ଦେଇଥିବା ବେଳେ ସ୍ୱାଗତ ଭାଷଣ ପ୍ରଦାନ କରିଥିଲେ ସମ୍ରାଟ ବିପିନ ବିହାରି ଦାସ । ବିଭିନ୍ନ ପ୍ରତିଯୋଗୀତାରେ କୃତିତ୍ୱ ଲାଭ କରିଥିବା ପ୍ରତିଯୋଗୀଙ୍କୁ ପୁରଷ୍କୃତ କରାଯାଇଥିଲା । ବାଳକ ବିଭାଗରେ ଚମ୍ପିଆନ ହୋଇଥିଲେ ଶୁଭ୍ରାଂସୁ ଶେଖର ସେନାପତି ଏବଂ ବାଳିକା ବିଭାଗରେ ପୂଜାରିଣୀ ମହାପାତ୍ର । ଉସôବରେ ସହଯୋଗୀତା କରିଥିଲେ ବୈକୁଣ୍ଠ ନନ୍ଦ, ସଂଜୟ ମିଶ୍ର , କ୍ଷିରୋଦ ସେନାପତି ଧନ୍ୟବାଦ ଅର୍ପଣ କରିଥିଲେ ପବିତ୍ର କୁମାର ସ୍ୱାଇଁ ।