କଂଟୁଣିଆ ହାଇସ୍କୁଲ ୧୯୯୦ ବ୍ୟାଚ୍ ବନ୍ଧୁମିଳନ

ଭୁବନେଶ୍ୱର(ଓଏନ୍ଏସ୍): ଜଗତ୍ସିଂହପୁର ଜିଲ୍ଲା ନାଉଗାଁ ବ୍ଲକ୍ ଜାମୁଗାଁ ପଂଚାୟତସ୍ଥିତ କଂଟୁଣିଆ ହାଇସ୍କୁଲର,୧୯୯୦ ମାଟ୍ରିକ୍ ବ୍ୟାଚ୍ର ବନ୍ଧୁମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ଏଥିରେ ଅବସରପ୍ରାପ୍ତ ପ୍ରଧାନ ଶିକ୍ଷକ ପ୍ରଧାନଶିକ୍ଷକ ପରମାନନ୍ଦ ମହାପାତ୍ର ମୁଖ୍ୟ ଅତିଥି, ଶିକ୍ଷାକ କାଳନ୍ଦୀ ସାହୁ, ଗୈାରାଙ୍ଗ ନାୟକ, କୁଞ୍ଜବିହାର ରାଉତ, ଦାମୋଦର ଭୋଳ, ସାଧୁଚରଣ ଲେଙ୍କା, ନୀଳାମ୍ବର ମହାନ୍ତି ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ପାରମ୍ପରିକ ରିତୀନିତୀ ଅନୁଯାୟୀ ପୁରାତନ ଛାତ୍ରମାନେ ଗୁରୁଙ୍କୁ ସେବା ପ୍ରଦାନ କରିବା ସହ ପୁରୁଣା ଦିନ ସ୍ମୃତିକୁ ମନେ ପକାଇ ଆଲୋଚନା କରିଥିଲେ । ଶ୍ରୀ ମହାପାତ୍ର କହିଥିଲେ ଗୁରୁ-ଶିଷ୍ୟ ପରମ୍ପରା ଏଭଳି ଉଜ୍ଜିବୀତ ରହୁ । ଛାତ୍ରଛାତ୍ରୀମାନଙ୍କ ମଧ୍ୟରେ ଶ୍ରୀ ଅବିନାଶ ପ୍ରଧାନ, ଶିଶିର କୁମାର ପରିଡା, ପ୍ରତାପ ଭୋଳ, ବିଷ୍ଣୁଚରଣ ଭୋଳ, ଅମ୍ବିକା ବିଶ୍ୱାଳ, ଭାଗ୍ୟବତୀ ନାୟକ, ଦ୍ୱାରିକାନାଥ ଭୋଳ, ଦେବାଶିଷ ମହାନ୍ତି ପ୍ରମୁଖ ମୁଖ୍ୟ ଭୂମିକା ଗ୍ରହଣ କରିଥିଲେ ।