ନୀଳାଦ୍ରିବିହାର ଠାରେ ଅଗ୍ନି ଉତ୍ସବ ଅନୁଷ୍ଠିତ

ଭୁବନେଶ୍ୱର, (ଓଏନ୍ଏସ୍):ନୀଳାଦ୍ରିବିହାର ସ୍ଥିତ ସେକ୍ଟର ୨ ମହାବୀର ଛକରେ ଅଗ୍ନି ଉତ୍ସବ ଅନୁଷ୍ଠିତ ହୋଇଯାଇଛି । ବିଜୁ ଯୁବବାହିନୀ ପକ୍ଷରୁ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ପୂର୍ବତନ କର୍ପୋରେଟର ଦେବୀ ପ୍ରସାଦ ମଲ୍ଲିକ ଅଗ୍ନି ସଂଯୋଗ କରିଥିଲେ । ବିଜୁ ଯୁବ ବାହିନୀ ଦ୍ୱାରା ପ୍ରସ୍ତୁତ ମଣ୍ଡା, ଆରିସା, କାକରା ପିଠା ବଂଟନ କରାଯାଇଥିଲା । ରିତିନୀତି ଅନୁଯାୟୀ ଘଂଟ, କୀର୍ତନ, ହରିବୋଲ ହୁଳହୁଳିରେ ଠାକୁରଙ୍କୁ ବିରାଜମାନ କରାଇ ପୂଜା ଅର୍ଚ୍ଚନା ପରେ ଅଗ୍ନି ସଂଯୋଗ କରାଯାଇଥିଲା । ଏହି କାର୍ଯ୍ୟକ୍ରମକୁ ଯୁବ ବାହିନୀ ୧୪ନଂ ୱାର୍ଡର ସଭାପତି ଅଂଶୁମାନ ଦାସ, ସୌମ୍ୟ ମହାନ୍ତି, ସ୍ମୃତି ରଞ୍ଜନ ରାଉତ, ଚିନ୍ମୟ ସାଇ ଓ ସରୋଜ ବେହେରା ପ୍ରମୁଖ ପରିଚାଳନା କରିଥିଲେ । ଅନ୍ୟମାନଙ୍କ ମଧ୍ୟରେ ମହାବୀର ମନ୍ଦିର ପରିଚାଳନା କମିଟିର ସଭାପତି ପ୍ରକାଶ ଚନ୍ଦ୍ର ସାହୁ, ମିହିର ମହାନ୍ତି, ବିଶ୍ୱରଂଜନ ସ୍ୱାଇଁ, ସୁକାନ୍ତ ରାଉତଙ୍କ ସମେତ ସ୍ଥାନୀୟ ଅଂଚଳର ବହୁ ଜନସାଧାରଣ ଉପସ୍ଥିତ ଥିଲେ ।