ରାଉରକେଲା ଓ ହିଞ୍ଜିଳିରେ ପ୍ରାର୍ଥୀ ପରିବର୍ତ୍ତନ କଲା କଂଗ୍ରେସ

ଭୁବନେଶ୍ୱର: ଜି ଉଦୟଗିରି ଓ ପାଟଣାଗଡ ପାଇଁ କଂଗ୍ରେସ ପ୍ରାର୍ଥୀ ଘୋଷଣା କରିଛି । ରାଉରକେଲା ଓ ହିଞ୍ଜିଳିରୁ ପ୍ରାର୍ଥୀ ପରିବର୍ତ୍ତନ କରିଛି କଂଗ୍ରେସ । ଜି ଉଦୟଗିରିରୁ ବିଧାୟକ ଥିବା ଜାକବ ପ୍ରଧାନଙ୍କ ସ୍ଥାନରେ ଶ୍ୟାମଘନ ପ୍ରଧାନଙ୍କୁ ଦଳ ପ୍ରାର୍ଥୀ କରିଥିବାବେଳେ ପାଟଣାଗଡରୁ ରମେଶ ପୁରୋହିତଙ୍କୁ ଦଳ ଟିକଟ ଦେଇଛି । ସେହିଭଳି ରାଉରକେଲା ବିଧାନସଭା ଆସନ ପାଇଁ ମୁକ୍ତିକାନ୍ତ ବିଶ୍ୱାଳଙ୍କ ନାମ ଦଳ ପୂର୍ବରୁ ଘୋଷଣା କରିଥିବା ବେଳେ ସୋମବାର ଏଥିରେ ପରିବର୍ତ୍ତନ କରିଛି ଦଳ। ମୁକ୍ତିକାନ୍ତ ନିର୍ବାଚନ ଲଢିବାକୁ ମନା କରିବା ପରେ ତାଙ୍କ ସ୍ଥାନରେ ବୀରେନ ସେନାପତିଙ୍କୁ ଦଳ ପ୍ରାର୍ଥୀ କରିଛି। ସେହିଭଳି ହିଞ୍ଜିଳି ଆସନ ପାଇଁ ପୂର୍ବରୁ ରାମକୃଷ୍ଣ ପଣ୍ଡାଙ୍କ ନାମ ଘୋଷଣା କରାଯାଇଥିଲା । ମାତ୍ର ଆଜି ସେହି ଆସନରୁ ଦଳ ପ୍ରାର୍ଥୀ ପରିବର୍ତ୍ତନ କରିଛି । ରାମକୃଷ୍ଣ ପଣ୍ଡାଙ୍କ ବଦଳରେ ଶମ୍ଭୁନାଥ ପାଣିଗ୍ରାହୀଙ୍କୁ ପ୍ରାର୍ଥୀ କରିଛି ଦଳ ।