ଆମ୍ବେଦକର ୟୁଥ୍ ଆସୋସିଏସନ୍ ପକ୍ଷରୁ ଆମ୍ବେଦକର ଜୟନ୍ତୀ ପାଳିତ

ଭୁବନେଶ୍ୱର,(ଓଏନ୍ଏସ୍): ୟୁନିଟ୍ ୬ ଡାକ୍ତରଖାନା ନିକଟ ଆମ୍ବେଦକର ୟୁଥ୍ ଆସୋସିଏସନ୍ ଆନୁକୂଲ୍ୟରେ ଭାରତବର୍ଷର ସମ୍ବିଧାନ ପ୍ରଣେତା ଡଃ ଆମ୍ବେଦକରଙ୍କର ଜୟନ୍ତୀ ସମାରୋହ ପାଳିତ ହୋଇଯାଇଛି । ଏହି ସମାରୋହରେ ପୂର୍ବତନ କର୍ପୋରେଟର ଶ୍ରୀଧର ବେହେରା ସଭାପତିତ୍ୱ କରିଥିଲେ । ପୂର୍ବତନ କର୍ପୋରେଟର ତଥା ଭୁବନେଶ୍ୱର ବିଜୁ ଜନତା ଦଳର ସଭାପତି ଅମରେଶ ଜେନା, ସଂପାଦକ ସମରେନ୍ଦ୍ର ସାହୁ ଅତିଥି ଭାବେ ଯୋଗଦାନ କରି ଡଃ ଆମ୍ବେଦକରଙ୍କ ବିଷୟରେ ଆଲୋକପାତ କରିଥିଲେ ଓ ସେ କିପରି ପଛୁଆବର୍ଗର ଜନସାଧାରଣଙ୍କ ଉତଥାନ ପାଇଁ କରିଥିବା କାର୍ଯ୍ୟ ବିଷୟରେ ବର୍ଣ୍ଣନା କରିଥିଲେ । ଆସୋସିଏସନ୍ର ସଭାପତି ରାମଚନ୍ଦ୍ର ସାହୁ ଅତିଥିଙ୍କୁ ସ୍ୱାଗତ କରିଥିଲେ । ସଂପାଦକ ଅନିଲ ନାୟକ ଧନ୍ୟବାଦ ଅର୍ପଣ କରିଥିଲେ । ଏହି ସମାରୋହରେ ୬ ନମ୍ବର ହରିଜନ ସାହିର ଶତାଧିକ ମହିଳା ଓ ଯୁବକ ଯୋଗ ଦେଇଥିଲେ । ଭୁବନେଶ୍ୱର ସାଂସଦ ପ୍ରାର୍ଥୀ ଅରୁପ ପଟ୍ଟନାୟକ ଓ ଭୁବନେଶ୍ୱର ମଧ୍ୟ ବିଧାୟକ ପା୍ରର୍ଥୀ ଅନନ୍ତ ନାରାୟଣ ଜେନାଙ୍କୁ ଭୋଟ୍ ଦେଇ ଜୟଯୁକ୍ତ କରାଇବାକୁ ବକ୍ତାମାନେ ନିବେଦନ କରିଥିଲେ ।