ଶୁସିଲଙ୍କ ନେତୃତ୍ୱରେ ବିଜେଡିର ମହିଳା କର୍ମୀଙ୍କ ପ୍ରଚାର ଯୋରଦାର

ପାରାଦୀପ, (ଓଏନ୍ଏସ୍): ପାରାଦୀପ ପୌର ପରିଷଦ ଅଂଚଳରେ ପାରିଷଦ ଶୁସିଲ କୁମାର ମହାପାତ୍ରଙ୍କ ନେତୃତ୍ୱରେ ବିଜେଡିର ଯୋରଦାର ପ୍ରଚାର ଚାଲିଛି । ୯ ନମ୍ବର ୱାର୍ଡ ଠାରୁ ବିଭିନ୍ନ ୱାର୍ଡ ବୁଲି ପୁରୁଣା ମହିଳା କର୍ମୀଙ୍କୁ ଏକତ୍ରୀତ କରାଇ ସମ୍ବିତଙ୍କ ଏକାନ୍ତ ବିଶ୍ୱସ୍ଥ ଭାବେ ନିଜର କର୍ତବ୍ୟ ସଂପାଦନ କରୁଥିବା ଦେଖିବାକୁ ମିଳିଛି । ଦଳଗତ ନିର୍ବିଶେଷରେ ସମସ୍ତଙ୍କୁ ଆପଣେଇବାର କଳା କୌଶଳ ଜଣାଥିବା ସୁଶିଲ ନିଜର ପତିଆରା ଜାହିର କରିଛନ୍ତି । ସରଳ, ନିଷ୍କପଟ ସ୍ୱଭାବ ପାଇଁ ସେ ସମସ୍ତଙ୍କର ପ୍ରିୟ ପାତ୍ର ହୋଇଥିବା ଚର୍ଚ୍ଚା ହେଉଛି । ଦଳ କନ୍ଦଳ କାରୀଙ୍କୁ ବୁଝାଇ କିଭଳି ଦଳୀୟ ଭୋଟ ହାର ବୃଦ୍ଧି ପାଇବ, ସେଥିନେଇ ସେ ନିରନ୍ତର ଚେଷ୍ଟା ଜାରି ରଖିଛନ୍ତି । ଆଗାମୀ ନିର୍ବାଚନରେ ତାଙ୍କ ଗୋଟି ଚାଳନା ସଫଳ ହେବ ବୋଲି ରାଜନୀତିକ ସମୀକ୍ଷକ ମାନେ ଅନୁମାନ କରୁଛନ୍ତି ।