ପଟିଆ ପ୍ରିମିୟର ଲିଗ୍ ଉଦଘାଟିତ

ଭୁବନେଶ୍ୱର, (ଆଇଏନ୍ଏସ୍): ରଜ ମହୋତ୍ସବ ଉପଲକ୍ଷେ ପଟିଆ ଯୁବକମାନଙ୍କ ପକ୍ଷରୁ କ୍ରିକେଟ୍ ପ୍ରିମିୟର ଲିଗ୍ ଉଦ୍ଘାଟିତ ହୋଇଯାଇଛି । ପଟିଆ ଯାତ୍ରା ପଡିଆ ଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ଉତର ବିଧାୟକ ସୁଶାନ୍ତ କୁମାର ରାଉତ ଉଦଘାଟନ କରିଥିଲେ । ସେ କହିଥିଲେ, ରଜ ହେଉଛି ଭାଇଚାରାର ପର୍ବ । ବିଭିନ୍ନ ସ୍ଥାନରେ ବିଭିନ୍ନ ପ୍ରକାରରେ ପାଳନ ହେଉଥିଲେ ମଧ୍ୟ ପଟିଆ ଯୁବକମାନଙ୍କର ଏହି ଖେଳୁଆଡ ମନୋଭାବ ଓ ଭାଇଚାରା ସବୁଦିନ ପାଇଁ ସୁବନ୍ଧିତ ହୋଇ ରହିଥାଉ । ଅନ୍ୟ ଅତିଥିମାନଙ୍କ ମଧ୍ୟରେ ପୂର୍ବତନ କର୍ପୋରେଟର ମିହିର କୁମାର ରାଉତ, ଜୟନ୍ତୀ ଜେନା, ଯୁବନେତା ତ୍ରୈଲୋକ କୁମାର ରାଉତ ପ୍ରମୁଖ ଯୋଗଦେଇଥିଲେ । ଏହି ଲିଗ୍ ତିନି ଦିନ ଧରି ଚାଲିବ । ଏଥିରେ ଛଅ ଟି ଟିମ୍ ଯଥା ଏ.ଏସ୍ କ୍ରିକେଟ୍, ଯଶେବନ୍ତ ୧୧, ବି.ବି.ସି.ସି, ପଟିଆ ଲାୟନ, ପଟିଆ ଭାଇରସ୍, ପଟିଆ ଟାଇଗର ପରସ୍ପର ମଧ୍ୟରେ ଖେଳିବେ । ଚମ୍ପିୟନ୍ ଟିମ୍ କୁ ୩୦ ହଜାର , ରନର୍ସଅପ୍ କୁ ୨୦ ହଜାର ଓ ତୃତୀୟ ଦଳକୁ ୧୦ ହଜାର ଟଙ୍କା ସହିତ ସିଲ୍ ପ୍ରଦାନ କରାଯିବ ।