ଭୁବନେଶ୍ୱର ଅଟୋ ମହାସଂଘର ବିଶ୍ୱକର୍ମା ଭସାଣୀ ମହୋତ୍ସବ

ଭୁବନେଶ୍ୱର, (ଆଇଏନ୍ଏସ୍): ଭୁବନେଶ୍ୱର ଅଟୋ ମହାସଂଘର ଦ୍ୱାଦଶତମ ବିଶ୍ୱକର୍ମା ଭସାଣୀ ମହୋତ୍ସବ ଅନୁଷ୍ଠିତ ହୋଇଯାଇଛି । ସହୀଦନଗର ଭସାଣୀ ପଡିଆ ଠାରେ ଅନୁଷ୍ଠିତ ଏହି ଉତ୍ସବରେ ଭୁବନେଶ୍ୱରର ବିଭିନ୍ନ ସ୍ଥାନର ଅଟୋ ସଂଘ ପକ୍ଷରୁ ପାରମ୍ପରିକ ବାଦ୍ୟ ଓ ଆଧୁନିକ ବାଦ୍ୟର ନାଚ ଗୀତ ମାଧ୍ୟମରେ ପ୍ରଭୁ ବିଶ୍ୱକର୍ମାଙ୍କୁ ଧରି ପଡିଆକୁ ପ୍ରବେଶ କରିଥିଲେ । ସେଠାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବେ ମହାସଂଘର ଉପଦେଷ୍ଟା ତଥା ଖଦି ବୋର୍ଡର ଚେୟରାମ୍ୟାନ ସଂଗ୍ରାମ କେଶରୀ ପାଇକରାୟ ଯୋଗଦେଇ ଟ୍ରାଫିକ ସଚେତନତା ଉପରେ ବକ୍ତବ୍ୟ ରଖିଥିଲେ । ସମ୍ମାନୀତ ଅତିଥି ରୂପେ ସହୀଦନଗର ଦୁର୍ଗାପୂଜା ସମିତିର ସମ୍ପାଦକ ନାରାୟଣ ମହାପାତ୍ର, ପୂର୍ବତନ କର୍ପୋରେଟର ସାବିତ୍ରୀ ମିଶ୍ର, ସୟଦ ଅଲ୍ଲୀ ଜୁନେଦ, ମିହିର କୁମାର ରାଉତ, ବିଜୟ ପଟ୍ଟନାୟକ, ଶ୍ରୀଧର ସାହୁ, ନିରଞ୍ଜନ ଭୂୟାଁ, ଦେବରାଜ ପରିଡା, ପ୍ରଶାନ୍ତ ରାଉତ ଓ ଭୋଳାନାଥ ମହାରଣା ପ୍ରମୁଖ ଯୋଗ ଦେଇଥିଲେ । ଭସାଣୀ ଉତ୍ସବରେ ଯୋଗଦାନ କରିଥିବା ସମସ୍ତ ଅଟୋସଂଘ ଓ ସଭାପତି, ସମ୍ପାଦକ ମାନଙ୍କୁ ମିଠାହାଣ୍ଡି ଏବଂ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା । ଏଥିସହିତ ଅନ୍ୟ ସମସ୍ତ କର୍ମକର୍ତା, ଅତିଥି ଓ ବରିଷ୍ଠ ସାମ୍ବାଦିକ ସୁକାନ୍ତ ରାଉତଙ୍କୁ ସଂଘ ତରଫରୁ ସମ୍ବର୍ଦ୍ଧିତ କରାଯାଇଥିଲା । ଅଟୋ ମହାସଂଘର ସାଧାରଣ ସଂପାଦକ ପଦ୍ମନ କୁମାର ସାମଲ ସମସ୍ତ କାର୍ଯ୍ୟ ପରି·ଳନା କରିବା ସହ ସଭାପତିତ୍ୱ କରିଥିଲେ । ସମସ୍ତ ମେଢ଼ ଶୃଙ୍ଖଳାର ସହିତ ଗୋଟିଏ ପରେ ଗୋଟିଏ ବାହାରି ରାଜମହଲ ହୋଇ କୁଆଖାଇ ଓ ଦୟା ନଦୀ ଅଭିମୁଖେ ବିଜର୍ସନ ପାଇଁ ଯାଇଥିଲେ ।