ଠିକାଦାରଙ୍କ ଆଂଦୋଳନର ଉଛୁଳା ପ୍ରେମ କୂଳ ଲଙ୍ଘିଲା!

ବାଲେଶ୍ୱର,(ଆଇଏନ୍ଏସ୍) : ଠିକାଦାର ମାନଙ୍କର ଆଂଦୋଳନ ପ୍ରେମ ଟିକେ ଅଧିକ । ଏହି ଆଂଦୋଳନ ପ୍ରେମ ଏପରି ଉଛୁଳି ପଡ଼ିଲା ଯେ, କୂଳ କିନାରା ସବୁକୁ ବୁଡ଼ାଇ ମାଡ଼ିଗଲା । ଏହି ଘଟଣାର ପ୍ରମାଣ ଆଜି ଦେଖିବାକୁ ମିଳିଥିଲା ସୋରର ଗ୍ରାମ୍ୟ ଉନ୍ନୟନ ସହକାରୀ ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟ ଆଗରେ ।
ଆଜି (୩୧.୧୦.୧୯) ଅପରାହ୍ନରେ ସୋରର ଗ୍ରାମ୍ୟ ଉନ୍ନୟନ ସହକାରୀ ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟ ଆଗରେ ବେନର ଲଗାଇ ଷ୍ଟ୍ରାଇକ୍ରେ ବସିଥିଲେ ଠିକାଦାରମାନେ । ସରକାରଙ୍କ ଠିକାଦାର ମାରଣ ନିତୀକୁ ବିରୋଧ କରି ଏହି ଆଂଦୋଳନ ଅନିର୍ଦ୍ଦିଷ୍ଟ କାଳ ପାଇଁ ଚାଲିବ ବୋଲି ବେନରରେ ଲେଖା ହୋଇଥିବା ବେଳେ ତା୦୧.୧୧.୨୦୧୯ରିଖ ଠାରୁ ଏହି ଆଂଦୋଳନ ବୋଲି ଲେଖା ହୋଇଛି । କିନ୍ତୁ ତାର ଗୋଟିଏ ଦିନ ପୂର୍ବରୁ ଅର୍ଥାତ୍ ଆଜି (ତା୩୧.୧୦.୨୦୧୯ରିଖ) ଅପରାହ୍ନରେ ଠିକାଦାରମାନେ ସୋରର ଗ୍ରାମ୍ୟ ଉନ୍ନୟନ ସହକାରୀ ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟ ଆଗରେ ଆଂଦୋଳନ ଆରମ୍ଭ କରିଦେଇଛନ୍ତି । ଏଥିରୁ ଠିକାଦାରମାନଙ୍କର ଆଂଦୋଳନ ପ୍ରେମ କିପରି କୂଳ କିନାରା ମାନୁ ନାହିଁ, ତାହା ସ୍ପଷ୍ଟ ଭାବେ ପ୍ରମାଣିତ ହେଉଛି ବୋଲି ହାଟ ବଜାରରେ ଚର୍ଚ୍ଚା ହେଉଛି ।