ଚନ୍ଦ୍ରଶେଖରପୁର ଷ୍ଟ୍ରିଟମଜାର ଚତୁର୍ଥ ଦିବସ: ନାଚ ଗିତରେ ଝୁମିଲେ ଜନସାଧାରଣ

ଭୁବନେଶ୍ୱର, (ଆଇଏନ୍ଏସ୍): ଚନ୍ଦ୍ରଶେଖରପୁର ଅଥଲେଟ ଆସୋସିଏସନ ତରଫରୁ ଆରମ୍ଭ ହୋଇଥିବା ଷ୍ଟ୍ରିଟ ମଜାର ଚତୁର୍ଥ ଦିବସରେ ବିଶେଷ ଆକର୍ଷଣ ଭାବେ ଓଡିଶୀ ନାଚ ଓ ମର୍ଡନ ଡ୍ୟାନ୍ସ ସମସ୍ତଙ୍କୁ ମନ୍ସ୍ରମୁଗ୍ଧ କରିବା ସହିତ ପଥଚାରିଙ୍କୁ ବାନ୍ଧି ରଖିଥିଲା । ପେଟ୍ରୋଲ ପମ୍ପଠାରୁ ଡମଣା ଛକରେ ଚନ୍ଦ୍ରଶେଖରପୁର ଆଥଲେଟିକ ଆସୋସିଏସନ ତରଫରୁ ଗତ ୩ ସପ୍ତାହ ହେବ ଷ୍ଟ୍ରିଟ ମଜା ମାଧ୍ୟମରେ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ ସହ ନାଟକ ଦ୍ୱାରା ସଚେତନତା ବାର୍ତା ପ୍ରଦାନ କରୁଥିବା ଏଲ ପି ଟିମ୍ ସଡକ ସୁରକ୍ଷାର ବାର୍ତା ବାଂଟିଥିଲା । ଏହି ଅବସରରେ ବରିଷ୍ଠ ନାଗରିକ ମାନେ ଯୋଗଦେଇ ଯୋଗ ଧ୍ୟାନ କରିଥିଲେ । କୁନି କୁନି ପିଲାମାନେ ରାସ୍ତା ଉପରେ ବସି ଚିତ୍ର ଆଙ୍କିଥିଲେ । ଷ୍ଟ୍ରିଟମଜା ଅଧ୍ୟକ୍ଷ ମଧୁମାଧବ ଜେନାଙ୍କ ପରିଚାଳନାରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ହାଉସିଂବୋର୍ଡ ଅଧ୍ୟକ୍ଷ ତଥା ପୁର୍ବତନ ବିଧାୟକ ପ୍ରୀୟଦର୍ଶ୍ରୀ ମିଶ୍ର ଯୋଗଦେଇ କହିଥିଲେ ଏହି ଅଂଚଳରେ ବହୁତ ଲୋକ ବାସକରୁଥିବାରୁ ଏଭଳି ଗୋଟିଏ କାର୍ଯ୍ୟକ୍ରମର ଆବଶ୍ୟକତା ଥିଲା । ଯାହାକୁ ଆଥଲେଟିକ ଆସୋସିଏସନ ପୁରଣ କରିଛି । ଏହା ଭାଇଚାରାର ସମ୍ପର୍କ ଯୋଡିବାରେ ସହୟକ ହେବ । ଅନ୍ୟମାନଙ୍କ ମଧ୍ୟରେ ପୁର୍ବତନ କର୍ପୋରେଟର ପ୍ରୀତିନନ୍ଦା ରାଉତରାୟ, ଆଇନଜିବି ସମରେନ୍ଦ୍ର ସାହୁ, ମନମୋହନ ପଟ୍ଟନାୟକ, ସମାଜସେବୀ ମିହିର ରାଉତ୍, ମନୋଜ ସାହୁ , ଇଂ ଦିଲ୍ଲିପ ସାହୁ ପ୍ରମୁଖ ଉପସ୍ଥିତ ଥିଲେ ।