ବିଜୁ ଯୁବ ବାହିନୀ ପକ୍ଷରୁ କମ୍ବଳ ବଂଟନ

ଭୁବନେଶ୍ୱର, (ଆଇଏନ୍ଏସ୍): ଭାଲେଂଟାଇନ୍ ଡେ ପାଇଁ ଯୁବପିଢ଼ୀ ମଉଜ ମଜଲିସ ପାଇଁ ପ୍ରସ୍ତୁତ ହେଉଥିବା ବେଳେ କିଛି ଯୁବକ ନେଇଛନ୍ତି ନିଆରା ପଦକ୍ଷେପ । ନୀଳାଦ୍ରି ବିହାର ୧୪ନଂ ୱାର୍ଡ ବିଜୁ ଯୁବ ବାହିନୀର ସଭାପତି ଅଂଶୁମାନ ଦାସଙ୍କ ନେତୃତ୍ୱରେ ଚନ୍ଦ୍ରଶେଖରପୁର ଠାରୁ ଆରମ୍ଭ କରି ମାଷ୍ଟର କ୍ୟାଂଟିନ ପର୍ଯ୍ୟନ୍ତ ରାସ୍ତା କଡରେ ଶୋଉଥିବା ଲୋକମାନଙ୍କୁ କମ୍ବଳ ବଂଟା ଯାଇଛି । ପ୍ରଥମେ ଚନ୍ଦ୍ରଶେଖରପୁର ପେଟ୍ରୋଲପମ୍ପ, ଆର୍ଟିଓ-୨ ସମ୍ମୁଖ, ରାମ ମନ୍ଦିର ଓ ମାଷ୍ଟର କ୍ୟାଂଟିନଠାରେ ଶୋଇଥିବା ଲୋକ ମାନଙ୍କୁ କମ୍ବଳ ଦେବା ସହ ସେମାନଙ୍କର ସୁବିଧା ଅସୁବିଧା ପଚାରି ବୁଝିଛନ୍ତି । ଏହି କାର୍ଯ୍ୟକ୍ରମରେ ମୁଖ୍ୟ ଉପଦେଷ୍ଟା ତଥା ୧୪ନଂ ୱାର୍ଡର ପୂର୍ବତନ କର୍ପୋରେଟର ଦେବୀ ପ୍ରସାଦ ମଲ୍ଲିକ, ଧିରେନ୍ଦ୍ର ରାୟ, ମିହିର ମହାନ୍ତି, ସୋଭାଶିଷ ରାଉତ, ସମ୍ବିତ ସ୍ୱରୂପ ରାଉଳ, ଅବିନାଶ ଦାସ, ସ୍ମିତିରଞ୍ଜନ ରାଉତ, ସରୋଜ ବେହେରା ଓ ସମାଜସେବୀ ସୁକାନ୍ତ ରାଉତ ପ୍ରମୁଖ ଉପସ୍ଥିତ ଥିବାବେଳେ ସଂଯୋଜିକା ଭାଗ୍ୟଶ୍ରୀ ନାୟକ ସହଯୋଗ କରିଥିଲେ ।