ଭୁବନେଶ୍ୱର-ପୁରୀ ଜାତୀୟ ରାଜପଥର ଉତରା ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା: ୬ ମୃତ!

ଭୁବନେଶ୍ୱର, (ଆଇଏନ୍ଏସ୍): ଭୁବନେଶ୍ୱର ନିକଟବର୍ତୀ ଉତରା ଛକ ଠାରେ ଶୁକ୍ରବାର ରାତି ସାଢେ ୧୦ଟା ରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଥିରେ ୬ ଜଣଙ୍କର ଘଟଣା ସ୍ଥଳରେ ମୃତୁ୍ୟ ଘଟିଥିବା ଜଣା ପଡ଼ିଛି । ମୃତକ ମାନଙ୍କ ମଧ୍ୟରେ ୨ଜଣ ବାଇକ ଆରୋହୀ ସ୍ୱାମୀ ଓ ସ୍ତ୍ରୀ ଥିବାବେଳେ ୪ଜଣ କାର ଆରୋହୀ ରହିଥିବା ଜଣା ପଡ଼ିଛି । ସେମାନଙ୍କ ମଧ୍ୟରେ ୩ଜଣ ମହିଳା, ୨ଜଣ ପୁରୁଷ ଓ ଜଣେ ଛୋଟପିଲା ରହିଥିବା ଖବର ମିଳିଛି । ଓଏନ୍ଏସ୍ କୁ ପ୍ରାପ୍ତ ସୂଚନା ଅନୁଯାୟୀ ରାତି ପ୍ରାୟ ଘ୧୦.୩୦ ରେ ଉତରା ଛକ ନିକଟରେ ଏକ ବାଇକକୁ ଗୋଟିଏ କାର ପଛ ପଟୁ ଧକ୍କା ଦେଇଥିଲା । ତତ୍କ୍ଷଣାତ୍ କାରଟି ରାସ୍ତା କଡ଼କୁ ପାଣିରେ ଖସି ପଡ଼ିଥିଲା । ଘଟଣା ସ୍ଥଳରେ ହିଁ ୪ କାର ଆରୋହୀ ଓ ୨ ବାଇକ ଆରୋହୀଙ୍କ ମୃତୁ୍ୟ ଘଟିଥିବା ଜଣା ପଡ଼ିଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ଉଭୟ ବାଇକ ଓ କାର ପୁରୀରୁ ଭୁବନେଶ୍ୱର ଅଭିମୁଖେ ଆସୁଥିଲେ । ତେବେ ଏହି ସମୟରେ ବାଇକକୁ କାର ଟି ପଛପଟୁ ଧକ୍କା ଦେଇଥିବା କୁହାଯାଉଛି ।

(Photo from https://steelguru.com)