ଅଖିଳ ବିଶ୍ୱ ଗାୟତ୍ରୀ ପରିବାରର ରକ୍ତଦାନ ଶିବିର

ଭୁବନେଶ୍ୱର,(ଆଇଏନ୍ଏସ୍): ଅଖିଳ ବିଶ୍ୱ ଗାୟତ୍ରୀ ପରିବାର ପକ୍ଷରୁ ଇମ୍ଫୋସିସ୍ ଛକ ସ୍ଥିତ ମିଟ୍ସ୍ କଲେଜ ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଉତର ବିଧାୟକ ପ୍ରିୟଦର୍ଶୀ ମିଶ୍ର, ଆଇନଜୀବି ସମରେନ୍ଦ୍ର ସାହୁ ଉଦ୍ଘାଟନ କରିଥିଲେ । ସମ୍ମାନିତ ଅତିଥିଭାବେ ସମାଜ ସେବୀ ପ୍ରଦିପ ଦାସ, ଶ୍ରୀରାମ ସେବା ସଂସ୍ଥାନ ସଭାପତି ବିଷ୍ଣୁ ପ୍ରସାଦ ସେଠୀ ଯୋଗଦେଇ ରକ୍ତଦାନ ମହାପୁଣ୍ୟ ବୋଲି ଆଲୋଚନା କରି ରକ୍ତଦାତାଙ୍କୁ ଉତ୍ସାହିତ କରିଥିଲେ । ଶ୍ରୀରାମ ସେବା ସଂସ୍ଥାନ ଓ ଜୀବନ ବିନ୍ଦୁ ମିଳିତ ଆନୁକୁଲ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ୬୨ ୟୁନିଟ୍ ରକ୍ତ ସଂଗ୍ରହ ହୋଇଥିଲା । ଗାୟତ୍ରୀ ପରିବାରର ମୂଖ୍ୟ ସଂଯୋଜକ କୃପାସିନ୍ଧୁଙ୍କ ପରିଚାଳନାରେ ହୋଇଥିବା ଏହି କାର୍ଯ୍ୟକ୍ରମରେ ପଦ୍ମନାଭ ସାହୁ, ଶ୍ରୀଧର ଜେନା, ପଙ୍କଜ ପାତ୍ର, ସ୍ୱପ୍ନା ରଥ, ପ୍ରତାପ ସ୍ୱାଇଁ, ଅଚୁ୍ୟତା ନନ୍ଦ ବରାଳ, ଜ୍ୟୋତ୍ସ୍ନାମୟୀ ଦାସ ପ୍ରମୁଖ ସହଯୋଗ କରିଥିଲେ । ଡଃ ଘୋଷଙ୍କ ଟିମ୍ ଦ୍ୱାରା ରକ୍ତ ସଂଗୃହିତ ହୋଇଥିଲା ।