୧୨କିଲୋଗ୍ରାମ୍ର ଚୋରା ଗଞେଇ ଜବତ୍: ଗାଡି ସହ ଜଣେ ଗିରଫ୍
ପାରାଦ୍ୱୀପ, (ଓଏନ୍ଏସ୍): ଏକ ଧଳା ଇଣ୍ଡିଗୋ କାର୍ ସମେତ ୧୨ କିଲୋ ଗ୍ରାମ୍ର ଚୋରା ଗଞେଇ ଜବତ୍ କରିଛି ପାରାଦ୍ୱୀପ ପୋଲିସ୍ । ଘଟଣାରୁ ପ୍ରକାଶ ଯେ ପାରାଦ୍ୱୀପ ଥାନା ସବ୍ଇନିସ୍ପେକ୍ଟର ପି.କେ ଲେଙ୍କା ଏବଂ ଥାନାର ଅନ୍ୟ ଷ୍ଟାଫ୍ ପେଟ୍ରୋଲିଂ କାର୍ଯ୍ୟ କରୁଥିବା ବେଳେ ଏକ ଧଳା ରଙ୍ଗର ଟାଟା ଇଣ୍ଡିଗୋ କାର୍ ନଂ – ଓଆର୍-୦୨-୦୬୧୮ ପିପିଏଲ୍ ଆଡୁ ଆସୁଥିବାର ଦେଖି ଥାନା ଷ୍ଟାଫ୍ କାର୍କୁ ରଖିବା ପାଇଁ ନିଦେ୍ର୍ଦଶ ଦେଇଥିଲେ କିନ୍ତୁ ଏହି କାର୍ରେ ଥିବା ଡ୍ରାଇଭର ବୈକୁଣ୍ଠ ଲେଙ୍କା , ୪୭ବର୍ଷ , ପିତା – ୰ବଳରାମ ଲେଙ୍କା , ଗ୍ରାମ – ନାଲିଆପାଳ , ଥାନା – ତିର୍ତ୍ତୋଲ , ଜିଲ୍ଲା – ଜଗତ୍ସିଂହପୁର ଗାଡି ନଅଟକାଇ ଦୃତ ଗତିରେ ଚାଲି ଯାଇଥିଲା । ଏହାକୁ ଦେଖି ପେଟୋ୍ରଲିଂ ଜିପ୍ ପିଚ୍ଛା କିରିଥିଲା । ପାରାଦ୍ୱୀପ ବନ୍ଦରର ଗେଟ୍ ନଂ -୨ ନେହୁର ବଙ୍ଗଳା ରୋଡ୍ରେ ଏହି କାର୍କୁ ଧରି ଡ୍ରାଇଭରକୁ ପଚରା ଉଚରା କରୁଥିବା ବେଳେ ଗାଡିର ଡିକିରୁ ୧୨କିଲୋଗ୍ରାମ୍ର ଚୋରା ଗଞେଇ ବାହାରିଥିଲା । ସବ୍ଇନିସ୍ପେକ୍ଟର ଶ୍ରୀ ଲେଙ୍କା ସଙ୍ଗେ ସଙ୍ଗେ ଡ୍ରାଇଭର ସମେତ ଗାଡି ଥାନାକୁ ଆଣିଥିଲେ । ଏହି ପରିପ୍ରେକ୍ଷୀରେ ଆଜି ଅପରାହ୍ନରେ ପାରାଦ୍ୱୀପ ଥାନା ତରଫରୁ ଏକ ସାମ୍ବାଦିକ ସମ୍ମିଳନୀ ଡକାଯାଇ ଥାନା ଅଧିକାରୀ ରଜନୀକାନ୍ତ ସାମଲ ଏହି ଘଟଣାର ପର୍ଦ୍ଦାଫାସ୍ କରିବା ପରେ ଡ୍ରାଇଭର ବୈକୁଣ୍ଠକୁ 11/22.01.2019 US20(b)(ii)(B)NDP.S. ଧାରାରେ କୋର୍ଟ ଚାଲାଣ କରାଯାଇଛି ।