ପାରାଦୀପ ରିଫାଇନରୀ ଆଇଓସିଏଲରେ ସାଧାରଣତନ୍ତ୍ର ଦିବସ ପାଳିତ

ପାରାଦୀପ, (ଓଏନ୍ଏସ୍): ସାଧାରଣତନ୍ତ୍ର ଦିବସ ଉପଲକ୍ଷେ ଆଜି ପାରାଦୀପ ରିଫାଇନରୀ ଟାଉନସିପ ଠାରେ ନେତାଜୀ ସୁଭାଷ ଚନ୍ଦ୍ର ବୋଷ କ୍ରୀଡା ପରିସରରେ ୭୦ ତମ ସାଧାରଣତନ୍ତ୍ର ଦିବସ ପାଳିତ ହୋଇ ଯାଇଛି । ରିଫାଇନାରୀର କାର୍ଯ୍ୟକାରୀ ନିଦେ୍ର୍ଦଶକ ଶ୍ରୀ ଟି.ଡି.ଭି.ଏସ୍ ଗୋପାଳକ୍ରିଷ୍ଣା ଜାତୀୟ ପତାକା ଉତୋଳନ କରିଥିଲେ । ଶ୍ରୀ ଗୋପାଳ କ୍ରିଷ୍ଣା ସି ଆଇ ଏସ ଏଫ, ଡିଜି ଆର ନିରାପତା ବିଭାଗ ଏବଂ ଦିଲ୍ଲୀ ପବ୍ଲିକ ସ୍କୁଲର ଛାତ୍ର ଛାତ୍ରୀ ମାନଙ୍କ ମିଳିତ ପରେଡରେ ଅଭିବାଦନ ଗ୍ରହଣ କରିବା ସହ ଉପସ୍ଥିତ ଜନତାଙ୍କୁ ଉଦ୍ବୋଧନ ଦେଇଥିଲେ । ଦେଶର ସ୍ୱାଧୀନତା ସଂଗ୍ରାମୀ ଏବଂ ବରପୁତ୍ର ଜନନାୟକ ମାନଙ୍କୁ ଶ୍ରଦ୍ଧାଂଜଳି ଅର୍ପଣ କରିଥିଲେ । ଏହି ଅବସରରେ ଏକ ରଂଗାରଂଗ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ପାରାଦୀପ ରିଫାଇନରୀ ସି ଆଇ ଏସ ଏଫ କର୍ମଚାରୀମାନଙ୍କ ଦ୍ୱାରା ଏହି ଅବସରରେ ସୁରକ୍ଷା ଓ ନିରାପତା ବ୍ୟବସ୍ଥା କୁ ନେଇ ଏକ ସଶସ୍ତ୍ର ଅଭ୍ୟାସ ପ୍ରଦର୍ଶନ କରାଯାଇଥିଲା ।