ଉତକଳ ସାମ୍ବାଦିକ ସଂଘ ପାରାଦୀପ ଶାଖା ଏବଂ ନାଗରିକ ମଂଚ ମିଳିତ ଆନୁକୁଲ୍ୟରେ ସହିଦ ଯବାନମାନଙ୍କୁ ଦୀପଦାନ ଏବଂ ଶ୍ରଦ୍ଧାଞ୍ଜଳି

ପାରାଦୀପ, (ଓଏନ୍ଏସ୍): ପାରାଦୀପସ୍ଥ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଜମ୍ମୁ କାଶ୍ମୀର ପୁଲୱାମାରେ ସହିଦ ଯବାନ ମାନଙ୍କ ଉଦେ୍ଦଶ୍ୟରେ ଉତକଳ ସାମ୍ବାଦିକ ସଂଘ ପାରାଦୀପ ଶାଖା ଏବଂ ପାରାଦୀପ ନାଗରିକ ମଂଚ ତରଫରୁ ମିଳିତ ଭାବେ ଗଭିର ଶ୍ରଦ୍ଧାଞ୍ଜଳି ଜ୍ଞାପନ ପୂର୍ବକ ଦୀପଦାନ କରାଯାଇଛି । ଏନେଇ ଆଜି ସଂଧ୍ୟାରେ ଦୁଇ ଅନୁଷ୍ଠାନର କର୍ମକର୍ତା ଏବଂ ସମସ୍ତ ସଦସ୍ୟ ଉପସ୍ଥିତ ରହି ଦୁଇ ମିନଟ୍ ନିରବ ପ୍ରାର୍ଥନା କରି ସହିଦଙ୍କ ଅମର ଆତ୍ମାର ସଦଗତି ନିମନ୍ତେ ପ୍ରଭୂ ଜଗନ୍ନାଥ ଙ୍କ ନିକଟରେ ପ୍ରାର୍ଥନା କରିଥିଲେ । ତତ୍ ସହିତ ଘଟଣାରେ ଆହତ ଏବଂ କୋମାରେ ଥିବା ଯବାନମାନଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି । ଉକôଳ ସାମ୍ବାଦିକ ସଂଘ ପକ୍ଷରୁ ବରିଷ୍ଠ ସାମ୍ବାଦିକ ଶ୍ରୀଯୁକ୍ତ ଗଙ୍ଗାଧର ରାଉତ ନିଜ ବକ୍ତବ୍ୟରେ ଆତଙ୍କବାଦୀ ସଂଗଠନର ଏଭଳି କାପୁରୁଷ ପଣିଆକୁ ନିନ୍ଦା କରିବା ସହ ଭାରତ ବାସୀ ତାର ଦୃଢ ଜବାବ ଦେବାକୁ ଆହ୍ୱାନ କରିବା ସହିତ ବିଶ୍ୱ ସ୍ତରରେ ଏଭଳି ଘୃଣ୍ୟ କାର୍ଯ୍ୟକୁ ସମସ୍ତେ ବିରୋଧ କରିବାକୁ କହିଥିଲେ । ଏଥିରେ ସାମ୍ବାଦିକ ସଂଘର ଉପଦେଷ୍ଠା ଗଣ ନାରାୟଣ ବେହେରା, ଲାଲା ବିନୟ କୁମାର ରାୟ, ରଶ୍ମୀ ରଂଜନ ରାଉତ ରାୟ, ଅବଦୁଲ ଆବିଦ ଖାନ୍, ଦିପକ ଦାସ, ସ୍ୱାଧୀନଚେତା ଦାସ ମହାପାତ୍ର, ସାକିର ଅଲ୍ଲି, ସଂଘମିତ୍ରା ସ୍ୱାଇଁ, ସରୋଜ ସାହୁ, ଉମାକାନ୍ତ ନାୟକ, ସଂଘ ସଂପାଦକ ଜ୍ଞାନଞ୍ଜୟ ମହାନ୍ତି, ସଭାପତି ବାମଦେବ ସାହୁ ପ୍ରମୁଖ ଉପସ୍ଥିତ ଥିବା ବେଳେ ପାରାଦୀପ ନାଗରିକ ମଂଚର ସଭାପତି ଅୟସ କାନ୍ତ ରାୟ, ଦିପ୍ତି ପ୍ରକାଶ ପଟ୍ଟନାୟକ ଏବଂ ସମସ୍ତ ସଦସ୍ୟ ଉପସ୍ଥିତ ଥିଲେ ।