ବସ୍ତି ସୁରକ୍ଷା ମଂଚର ସମୁହ ସଫେଇ ଏବଂ ଅସହାୟଙ୍କୁ ସାହାଯ୍ୟ

ପାରାଦୀପ, (ଓଏନ୍ଏସ୍): ପାରାଦୀପ ୬ ନଂ ୱାର୍ଡରେ ଆଜି ବାଉରିଆପାଳନ୍ଦା ବସ୍ତି ସୁରକ୍ଷା ମଂଚ ତରଫରୁ ସମୁହ ସଫେଇ ଅନୁଷ୍ଠିତ ହୋଇ ଯାଇଛି । ସମାଜସେବୀ ଉଜ୍ଜ୍ୱଳ ଗୋଲଦାର ଏବଂ ଜ୍ଞାନେନ୍ଦ୍ର ମହାପାତ୍ରଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ବସ୍ତି ଅଂଚଳର ଶତାଧିକ ମହିଳା,ପୁରୁଷ ଏବଂ ବିଦ୍ୟାଳୟ ଛାତ୍ରଛାତ୍ରୀ ସ୍ୱତଃପ୍ରବୃତ ଭାବେ ହାତରେ ଝାଡୁ, କୋଦାଳ ଧରି ସ୍ଥାନୀୟ ବସ୍ତି ଅଂଚଳର ସଫେଇ କାର୍ଯ୍ୟରେ ସାମିଲ ହୋଇଥିଲେ । ବିଶେଷ କରି ବରିଷ୍ଠ ମହିଳା ମାନେ ଏହାକୁ ସାଦରେ ଆପଣେଇ ନେଇଥିବା ଦେଖିବାକୁ ମିଳିଥିଲା । ମୁଖ୍ୟ ରାସ୍ତା ଠାରୁ ମଠ ପର୍ଯ୍ୟନ୍ତ ସଫେଇ କରିବା ସହିତ ସମସ୍ତଙ୍କ ପାଇଁ ଜଳ ପାନର ଆୟୋଜନ କରାଯାଇଥିଲା । ପରେ ସ୍ଥାନୀୟ ଅଂଚଳର ଅସହାୟ ବୃଦ୍ଧା,ମାନସିକ ଅନଗ୍ରସରଙ୍କୁ ଖାଦ୍ୟ ଏବଂ ବସ୍ତ୍ର ପ୍ରଦାନ କରାଯାଇଥିଲା । ଏଠାରେ ସୂଚନା ଯୋଗ୍ୟ ଏହିକି ଏହି ବସ୍ତିରେ କାହାର କୈାଣସି ଅସୁବିଧା ହେଲେ ଏହି ସଂଗଠନ ତୁରନ୍ତ ପହଁଚି ମେଡିକାଲରେ ପହଁଚେଇବା ଠାରୁ ନିତ୍ୟ ଆବଶ୍ୟକ ସହାୟତା ପ୍ରଦାନ କରିଥାଏ । ଆଜି ଏହି କାର୍ଯ୍ୟକ୍ରମରେ ପୁଲିସ ବାହିନୀ ତରଫରୁ ସହାୟତା ମଧ୍ୟ ପ୍ରଦାନ କରାଯାଇଥିଲା । ସଂଘ ତରଫରୁ ଚେନ୍ ନନା, ନିଲୁ ସ୍ୱାଇଁ, ବାପି ସାହାଣି, ଅଭୟ ସ୍ୱାଇଁ, ଚରଣ ମହାପାତ୍ର, ବନିତା ରାଉତ, ଶୁକ ବତିକ, କଳ୍ପନା ମଣ୍ଡଳ, ଲକ୍ଷ୍ମୀ ମୁର୍ମୁ ପ୍ରମୁଖ ସହଯୋଗ କରିଥିଲେ ।