ପାରାଦୀପ ପୋର୍ଟ ବଣିକ ସଂଘ ପକ୍ଷରୁ ଶ୍ରଦ୍ଧାଞ୍ଜଳି

ପାରାଦୀପ, (ଓଏନ୍ଏସ୍): ଗତ ୧୪ ତାରିଖରେ କାଶ୍ମୀରର ଫୁଲୱାମା ଠାରେ ଆତ୍ମଘାତୀ ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ବୀର ଯବାନ ମାନଙ୍କ ଅମର ଆତ୍ମାର ସଦ୍ଗତି ତଥା ଆହତ ମାନଙ୍କ ଆଶୁ ଆରୋଗ୍ୟ କାମନା କରି ମା’ ଦେବୀ ଦୂର୍ଗାଙ୍କ ନିକଟରେ ପୂଜାର୍ଚ୍ଚନା ତଥା ଦୀପଦାନ କରାଯାଇ ମହମବତୀ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ତା ୧୭.୨.୧୯ ରିଖ ରବିବାର ଅପରାହ୍ନ ୫ ଘଟିକା ସମୟରେ ବଣିକ ସଂଘ କାର୍ଯ୍ୟାଳୟରୁ ଶୋଭାଯାତ୍ରା ବାହାରି ବଜାର ପରିକ୍ରମା କରିଥିଲା । ଏହି ଶୋଭାଯାତ୍ରାରେ ବଣିକ ସଂଘର ସଭାପତି ଶ୍ରୀଯୁକ୍ତ ସନ୍ତୋଷ କୁମାର ପଟ୍ଟନାୟକ, ସଂପାଦକ ନିରଂଜନ ମହାନ୍ତି, ସହ ସଂପାଦକ ଦେବବ୍ରତ ସାହୁ, କ୍ଷୀରୋଦ ସ୍ୱାଇଁ, ପ୍ରବୋଧ କୁମାର ଦାସ, ଜୀବନାନନ୍ଦ ମହାନ୍ତି, ଚନ୍ଦ୍ର ଶେଖର ମହାପାତ୍ର, ଦିବାକର ବୈଶାଖ, ପ୍ରମୋଦ ମହାପାତ୍ର ପ୍ରମୁଖ ଯୋଗଦେଇ ଦେଶ ପ୍ରେମର ଜୟଜୟ କାର ଧ୍ୱନି ଓ ବୀର ଯବାନ ଅମର ରହେ ଏବଂ ପାକିସ୍ଥାନ ମୂର୍ଦ୍ଦାବାଦ ସ୍ଲୋଗାନ ଦେଇ ସହର ପରିକ୍ରମା କରିଥିଲେ