ଅଠରବାଙ୍କୀ ବିଶ୍ୱକର୍ମା ଗ୍ୟାରେଜ ସଂଘ ପକ୍ଷରୁ ଭାବପୂର୍ଣ୍ଣ ଅଶ୍ରୁଳ ଶ୍ରଦ୍ଧାଞ୍ଜଳି

ପାରାଦୀପ, (ଓଏନ୍ଏସ୍): ପାରାଦୀପ ଉପକଣ୍ଠର ସର୍ବ ବୃହତ ଗ୍ୟାରେଜ ଆସୋସିଏସନ ବିଶ୍ୱକର୍ମା ଗ୍ୟାରେଜ ଆସୋସିଏସନ ତରଫରୁ ବୀର ସହିଦଙ୍କ ଉଦେ୍ଦଶ୍ୟରେ ଭାବପୂର୍ଣ୍ଣ ଅଶ୍ରୁଳ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ସଂଧ୍ୟାରେ ୪୪ ଜଣ ଅମର ସହିଦଙ୍କ ତୈଳ ଚିତ୍ରରେ ପୁଷ୍ପମାଲ୍ୟ ପ୍ରଦାନ କରାଯାଇ ନିରବ ପ୍ରାର୍ଥନା ପରେ ଜୟଜୟ କାର ଧ୍ୱନି ତଥା ଭାରତ ମାତାର ଜୟ ଜୟ ସ୍ୱର ପ୍ରକମ୍ପିତ ହୋଇଥିଲା । ବଜାର ପରିସରରୁ କ୍ୟାଣ୍ଡେଲ ଶୋଭାଯାତ୍ରା ବାହାରି ମା ଦକ୍ଷିଣ କାଳୀଙ୍କ ମନ୍ଦିର ପ୍ରଙ୍ଗଣରେ ଅମର ସହିଦଙ୍କ ଆତ୍ମାର ସଦ୍ ଗତି କାମନା କରାଯାଇଥିଲା । ପରେ ସ୍ଥାନୀୟ ବଜାର ଛକ ଦେଇ ରେଲୱେ କଲୋନୀରେ ଶୋଭାଯାତ୍ରା ସମାପନ କରାଯାଇ ଦେଶପ୍ରେମ ବହ୍ନି ପ୍ରଜ୍ଜୋଳିତ କରାଯାଇଥିଲା । ଏହି କାର୍ଯ୍ୟକ୍ରମରେ ସଂଘର ସଦସ୍ୟ ସୁରେନ୍ଦ୍ର ମହନ୍ତ, ଗିରିଧାରି ସାହୁ,ଖଗେଶ୍ୱର ବେହେରା, ଭୋଳାନାଥ ସାହା, ଅକ୍ଷୟ କୁମାର ସାହୁ, ଅସିତ ବରଣ ସାହୁ,ଚିତରଂଜନ ମଲ୍ଲିକଙ୍କ ସମେତ ସମସ୍ତ ସଦସ୍ୟ ଉପସ୍ଥିତ ଥିଲେ ।