ଆଦର୍ଶ ବିଦ୍ୟାମନ୍ଦିରର ୩୦ ତମ ବାର୍ଷିକ ଉତ୍ସବ

ଭୁବନେଶ୍ୱର,(ଓଏନ୍ଏସ୍): ମଙ୍ଗଳବାର ଚନ୍ଦ୍ରଶଖେରପୁର ସ୍ଥିତ ଆଦର୍ଶ ବିଦ୍ୟା ମନ୍ଦିରର ୩୦ ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ ଉତର ବିଧାୟକ ପ୍ରିୟଦର୍ଶୀ ମିଶ୍ର କହିଥିଲେ, ପିଲାମାନଙ୍କର ପାଠ ପଢା ସହିତ ନୈତିକ, ଶାରିରିକ ଓ ମାନସିକ ବିକାଶ ଘଟିଲେ ଜଣେ ଭଲ ଛାତ୍ର ହୋଇ ବାହାରି ପାରିବ । ସେ ଆହୁରି ମଧ୍ୟ କହିଥିଲେ ମୁଖ୍ୟ ମନ୍ତ୍ରୀଙ୍କର ଆହ୍ୱାନ ମୁଁ ପଢିବି, ମୁଁ ଗଢିବି, ଶ୍ରେଷ୍ଠ ହେବି କୁ ଅନୁସରଣ କରିବାକୁ ପଡିବ । ଅନ୍ୟ ସମ୍ମାନିତ ଅତିଥି ମାନଙ୍କ ଭିତରେ ୮ ନଂ ୱାଡ ପୁର୍ବତନ କର୍ପୋରେଟର ମୋନାଲିସା ସାହୁ, ସ୍କୁଲ ସମ୍ପାଦକ ମନୋରଞ୍ଜନ ଜେନା ଓ ଯୁବ ସମାଜସେବୀ ମନୋଜ ସାହୁ ପ୍ରମୁଖ ଯୋଗ ଦେଇଥିଲେ । ପ୍ରଧାନ ଶିକ୍ଷକ ବାର୍ଷିକ ବିବରଣୀ ପାଠ କରିଥିଲେ । ପିଲା ମାନଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଓ ନାଟକ ସହିଦ୍ ଭଗତସିଂ ପରିବେଶଣ କରାଯାଇଥିଲା । ସ୍କୁଲ ପାଇଁ ଅନେକ ଅବଦାନ ଥିବାରୁ ମନୋଜ ସାହୁଙ୍କୁ ସମ୍ମାନିତ କରାଯାଇଥିଲା । ଅଧ୍ୟକ୍ଷ ମଧୁସୁଦନ ଗିରି ବାର୍ଷିକ ବିବରଣୀ ପାଠ, କବିତା ନାୟକ ପରିଚୟ ପ୍ରଦାନ, ରାମଚନ୍ଦ୍ର ରାଉତ, ବିହାରୀ ଜେନା ପରିଚାଳନା କରିଥିବା ବେଳେ ଶ୍ରୀଧର ପ୍ରଦାନ ଧନ୍ୟବାଦ ଅର୍ପଣ କରିଥିଲେ ।