କୁଶବଟ ରେ ନୂତନ ଜଗନ୍ନାଥ ମନ୍ଦିର ସ୍ଥାପିତ!
ବରୀ ଯାଜପୁର, (ସୁରେଶ କର): ବରୀ ବ୍ଲକ ସ୍ୱାଇଁଖଣ୍ଡ ପଞ୍ଚାୟତର କୁଶବଟ ଗ୍ରାମରେ ନୁତନ କରି ଜଗନ୍ନାଥ ମନ୍ଦିର ପ୍ରତିଷ୍ଠା ଓ ବିଗ୍ରହ ସ୍ଥାପନ ମହାସମାରୋହରେ ଅନୁଷ୍ଠିତ ହୋଇଯାଇଛି । ଗତ ୧୪ତାରିଖ ଠାରୁ ଆରମ୍ଭ ହୋଇ ୨୦ତାରିଖ ପର୍ଯ୍ୟନ୍ତ ସମସ୍ତ କାର୍ଯ୍ୟ ସଂପୂର୍ଣ୍ଣ ହୋଇଛି । ପ୍ରଥମ ଦିନ କଳସ ଯାତ୍ରା, ଗୋପୂଜା, ସୂର୍ଯ୍ୟପୂଜା, ମଣ୍ଡଳପୂଜା, ନୃସିଂହ ମନ୍ତ୍ରରେ ଆହୁତି, ଦେବାଦେବୀ କଂ ମହାସ୍ନାନ, ଦାରୁବ୍ରହ୍ମ ନ୍ୟାସ, ମନ୍ଦିର ପ୍ରତିଷ୍ଠା, ବ୍ରହ୍ମ ସଂସ୍ଥାପନ, ରୁଦ୍ରମହାଯଜ୍ଞ, ଗୀତା ମନ୍ତ୍ର, ଦାରୁବ୍ରହ୍ମ ମନ୍ଦିର ପ୍ରବେଶ, ନବ ଯୌବନ ଦର୍ଶନ, ପୂର୍ଣ୍ଣାହୁତି ଅନୁଷ୍ଠିତ ହୋଇଯାଇଛି । ପ୍ରତ୍ୟେକ ଦିନ ସଂଧ୍ୟାରେ ପ୍ରବଚନ , କୀର୍ତ୍ତନ, ଏବଂ ଓଡିଶା ର ସୁନାମଧନ୍ୟ ଗାୟକ ଗାୟିକା କଂ ଦ୍ବାରା ଭଜନ କାର୍ଯକ୍ରମ କରାଯାଇଥିବା ସୁଚନା ମିଳିଛି ।
ଉକ୍ତ କାର୍ଯ୍ୟକ୍ରମରେ ଆଖ ପାଖ ଅଂଚଳରୁ ବହୁ ଜନସମାଗମ ହୋଇଥିବା କୁଶବଟ ଜଗନ୍ନାଥ ଟ୍ରଷ୍ଟ ଓ ମନ୍ଦିର ପରିଚାଳନା କମିଟି ପକ୍ଷରୁ ସୁଚନା ମିଳିଛି ।