ରାଜନଗରରୁ ଧୃବ ସାହୁ, ପୁରୀରୁ ମହେଶ୍ୱର ମହାନ୍ତି ଓ ପାରାଦୀପରୁ ସମ୍ବିତ ରାଉତରାୟ
ଭୁବନେଶ୍ୱର,(ଓଏନ୍ଏସ୍): ବିଜୁ ଜନତା ଦଳ ପକ୍ଷରୁ ଆଜି ୧୮ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରାଯାଇଛି । ବିଜେଡି ସଭାପତି ନବୀନ ପଟ୍ଟନାୟକ ଏହି ତାଲିକାରେ ୯ଟି ଆସନରେ ପ୍ରାର୍ଥୀ ବଦଳାଇଛନ୍ତି।
ଘୋଷଣା ଅନୁସାରେ ପୁରୀ ବିଧାନସଭା ଆସନରୁ ମହେଶ୍ୱର ମହାନ୍ତି ନିର୍ବାଚନ ଲଢ଼ିବେ। ରାଜନଗରରୁ ଧୃବ ସାହୁ, ଜଟଣୀରୁ ବିଭୂତି ବଳବନ୍ତରାୟ, ବାରବାଟି-କଟକରୁ ଦେବାଶିଷ ସାମନ୍ତରାୟ, କଟକ-ସଦରରୁ ଚନ୍ଦ୍ରସାରଥୀ ବେହେରା ଓ ବଡ଼ଚଣାରୁ ଅମର ଶତପଥୀ ଲଢ଼ିବେ। ସେହିପରି ବିଜେଡି ଛାଡ଼ି ବିଜେପିରେ ଯୋଗଦେଇଥିବା ଡ. ଦାମୋଦର ରାଉତଙ୍କ ପୁଅ ସମ୍ବିତ ରାଉତରାୟଙ୍କୁ ପାରାଦୀପରୁ ଟିକେଟ ମିଳିଛି।