ଅଘୋଷିତ ବିଦ୍ୟୁତ କାଟ, ଲୋକେ ଅତିଷ୍ଟ

କେନ୍ଦ୍ରାପଡା, (ଓଏନ୍ଏସ୍): ଏବେ ପ୍ରଚଣ୍ଡ ରୁଦ୍ରତାପ ଆରମ୍ଭ ହୋଇଯାଇଥିବା ବେଳେ ଅଘୋଷିତ ବିଦ୍ୟୁତ କାଟ ମଧ୍ୟ ଆରମ୍ଭ ହୋଇଯାଇଛି । ବିଭିନ୍ନ ସମୟରେ ଅଘୋଷିତ ବିଦ୍ୟୁତ କାଟ କରାଯାଉଥିବା ହେତୁ ଜିଲ୍ଲାବାସୀ ଖୁବ୍ ଅତିଷ୍ଠ । ଏଥି ଯୋଗୁଁ ସହର ତଥା ଜିଲ୍ଲାବାସୀ ଅନେକ ଅସୁବିଧାରେ ସମ୍ମୁଖିନ ହେବାର ପରିଲକ୍ଷିତ ହୁଏ । ଏବେ ଖରା ଦିନ ହେତୁ ବିଜୁଳିର ଆବଶ୍ୟକତା ଥିବା ବେଳେ ବିଦ୍ୟୁତ କାଟ ନେଇ ବିଭିନ୍ନ ସ୍ତରରେ ପ୍ରଶ୍ନବାଚୀ ସୃଷ୍ଟି କରିଛି । ଅପର ପକ୍ଷେ ବୁଦ୍ଧିଜିବୀଗଣ କୁହନ୍ତି ଯେ- ଏବେ ବିଜୁଳି ସମସ୍ୟା ନଥିବା ସରକାର କହୁଥିବା ସ୍ଥଳେ ବିଭାଗୀୟ ତଥା କର୍ତୃପକ୍ଷଙ୍କ ଏଭଳି କାର୍ଯ୍ୟ ନିନ୍ଦନୀୟ । ଯଦି ଏଭଳି ସମସ୍ୟା ଲାଗିରହେ ତେବେ ଆଗକୁ ଜନ ଅନେ୍ଦାଳନକୁ ଏଡ଼ାଇ ଦିଆଯାଇ ନପାରେ ।