ଉତରରେ ସୁଶାନ୍ତଙ୍କୁ ବିପୁଳ ସମର୍ଥନ: ଜୋର୍ ଧରିଲା ପ୍ରଚାର
ଭୁବନେଶ୍ୱର, (ଓଏନ୍ଏସ୍): ଭୁବନେଶ୍ୱର ଉତର ନିର୍ବାଚନ ମଣ୍ଡଳୀରେ ଜୋର୍ଦାର ପ୍ରଚାର ଆରମ୍ଭ ହୋଇଯାଇଛି । ବିଜେଡି ବିଧାୟକ ପ୍ରାର୍ଥୀ ସୁଶାନ୍ତ କୁମାର ରାଉତଙ୍କୁ ମିଳୁଛି ବିପୁଳ ସମର୍ଥନ । ଗତକାଲି ମରିଚିଆ ପଂଚାୟତରେ ଏକ ବିରାଟ ମହିଳା ସମାବେଶ ଆୟୋଜନ ହୋଇଥିଲା । ଏଥିରେ ପଂଚାୟତରୁ ପ୍ରାୟ ୫ ହଜାର ମହିଳା ଯୋଗଦେଇଥିଲେ । ବିଜେଡି ଭୁବନେଶ୍ୱର ଜିଲ୍ଲା କାର୍ଯ୍ୟକାରୀ ସଭାପତି ସୁବାଷ ପାତ୍ରଙ୍କ ଆହ୍ୱାନରେ ଅନୁଷ୍ଠିତ ଏହି ସମାବେଶରେ ବିଧାୟକ ପ୍ରାର୍ଥୀ ସୁଶାନ୍ତ କୁମାର ରାଉତ ଯୋଗ ଦେଇ କହିଥିଲେ, ୪ କୋଟି ଓଡିଆଙ୍କ ହୃଦୟର ନେତା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡିଶା ବାସୀଙ୍କ ପାଇଁ ଯେଉଁ ଉନ୍ନତି ମୂଳକ କାର୍ଯ୍ୟକରିଛନ୍ତି ସେଥିପାଇଁ ସେ ସମସ୍ତଙ୍କର ପ୍ରିୟଭାଜନ ହୋଇ ପାରିଛନ୍ତି । ତେଣୁ ତାଙ୍କୁ ଆମେ ପଂଚମଥର ପାଇଁ ମୁଖ୍ୟମନ୍ତ୍ରୀ କରିବା । ସମସ୍ତେ ଶଙ୍ଖ ଚିହ୍ନରେ ଭୋଟଦେଇ ବିପୁଳ ସଂଖ୍ୟାରେ ବିଜେଡିକୁ ଜୟଯୁକ୍ତ କରାଇବା । ସେହିପରି ମା ଶିଖରଚଣ୍ଡି ମନ୍ଦିରରେ ୧ନଂ ଓ ୨ନଂ କର୍ମିମାନଙ୍କୁ ନେଇ କର୍ମି ସମ୍ମିଳନୀ ଅନୁଷ୍ଠିତ ହୋଇଥିଲା । ଆଜି ୩ନଂ ୱାର୍ଡ ଅନ୍ତର୍ଗତ ପଟିଆ, ଡମଣା, କାନନ ବିହାର ଫେଜ ୧ ଓ ୨ରେ ପଦଯାତ୍ରା ଅନୁଷ୍ଠିତ ହୋଇଥିଲା । ଏଥିରେ ସାଂସଦ ପାର୍ଥୀ ଅରୂପ ପଟ୍ଟନାୟକ, ବିଧାୟକ ପ୍ରାର୍ଥୀ ସୁଶାନ୍ତ କୁମାର ରାଉତ, ପୂର୍ବତନ କର୍ପୋରେଟର ଜୟନ୍ତୀ ଜେନା, ଭୋବନା ଜେନା, ଜିଲ୍ଲା ଉପସଭାପତି ମିହିର ରାଉତଙ୍କ ସହିତ ଅନ୍ୟାନ୍ୟ ଦଳୀୟ କର୍ମକର୍ତା ଯୋଗଦେଇଥିଲେ । ସ୍ୱତଃ ପ୍ରବୃତ ଭାବରେ ବିଭିନ୍ନ ସଂଗଠନ, ମହିଳା ସଂଗଠନ, ଯୁବକ ସଂଘ, ବରିଷ୍ଠ ନାଗରିକ ସଂଘ ଓ ସାଧାରଣ ଲୋକ ଏକତ୍ରିତ ହୋଇ ପଦଯାତ୍ରା କରିବା ସହିତ ବିପୁଳ ସମର୍ଥନ ଜଣାଇଥିଲେ ।