ଅଖିଳ ବିଶ୍ୱ ଗାୟତ୍ରୀ ପରିବାର ପକ୍ଷରୁ ରିଲିଫ୍ ବଂଟନ

ଭୁବନେଶ୍ୱର, (ଆଇଏନ୍ଏସ୍): ଅଖିଳ ବିଶ୍ୱ ଗାୟତ୍ରୀ ପରିବାର ପକ୍ଷରୁ ବାତ୍ୟା ପିଡିତଙ୍କୁ ରିଲିଫ୍ ସାମଗ୍ରୀ ବଂଟନ କରାଯାଇଛି । ଚନ୍ଦ୍ରଶେଖରପୁର ସ୍ଥିତ ନୀଳାଦ୍ରିବିହାର ହରେକୃଷ୍ଣ ନଗର ଠାରେ ଅତ୍ୟନ୍ତ ଗରୀବ ଶ୍ରେଣୀର ଲୋକମାନଙ୍କୁ ରିଲିଫ୍ ବଂଟନ କରାଯାଇଥିଲା । ଏଥିରେ ଶାଢୀ, ଲୁଙ୍ଗି, ଗାମୁଛା, ଡ୍ରେସ୍, ବାସନ କୁଶନ ଓ ଅନ୍ୟାନ୍ୟ ସାମଗ୍ରୀ ଥିଲା । ଦକ୍ଷିଣ-ପୂର୍ବ ଓଡିଶା ଜୋନ୍ର ଏହି କାର୍ଯ୍ୟକ୍ରମରେ କୃପାସିନ୍ଧୁ ଷଢଙ୍ଗୀ, ପ୍ରତାପ କୁମାର ସ୍ୱାଇଁ, ପଦ୍ମନାଭ ସାହୁ ଓ ଅଙ୍ଗୁରବାଳା ସାହୁ ପ୍ରମୁଖ ଯୋଗଦାନ କରିଥିଲେ । ସେହିପରି ଅଖିଳ ବିଶ୍ୱ ଗାୟତ୍ରୀ ପରିବାର ଶାନ୍ତିକୁଞ୍ଜ ହରିଦ୍ୱାର ତରଫରୁ କୋଣାର୍କର କଣାସ ଠାରେ ୨ ହଜାର ଲୋକଙ୍କୁ ରିଲିଫ୍ କିଟ୍ ବଂଟାଯିବା ସହ ରନ୍ଧା ଖାଦ୍ୟ ଦିଆଯାଇଥିଲା । ଏଥିରେ ଓଡିଶାର ନିଶା ନିବାରଣ ପ୍ରମୁଖ ବିଚିତ୍ରାନନ୍ଦ ସାହୁ ଓ ରାଜକିଶୋର ସାହୁ ସହଯୋଗ କରିଥିଲେ । ଓଡିଶାର ଆପଦା ପ୍ରବନ୍ଧନ ପ୍ରକୋଷ୍ଠ ମୁଖ୍ୟ ପ୍ରକାଶ ଚନ୍ଦ୍ର ବାରିକଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।