ବିଷୁଦ୍ଧ ଥଣ୍ଡା ପାନୀୟ ଜଳ କେନ୍ଦ୍ରର ଶୁଭ ଉଦଘାଟନ

ଭୁବନେଶ୍ୱର, (ଆଇଏନ୍ଏସ୍): ରସୁଲଗଡ ସ୍ଥିତ ମା ସନ୍ତୋଷୀ ଅଟୋ ସଂଘ ପରିସରରେ ବିଷୁଦ୍ଧ ଥଣ୍ଡା ପାନୀୟ ଜଳ କେନ୍ଦ୍ରର ଉଦଘାଟନ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଯୋଗଦେଇ ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଉଦଘାଟନ କରିଥିଲେ । ଭୁବନେଶ୍ୱର ଅଟୋ ମହାସଂଘ ଓ ସତ୍ୟସାଇ ସେବା ସମିତିର ସହଭାଗୀତାରେ ଏହା କାର୍ଯ୍ୟକ୍ଷମ ହୋଇଛି । ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ଭୁବନେଶ୍ୱର ଅଟୋ ମହାସଂଘର ସାଧାରଣ ସଂପାଦକ ପଦ୍ମନ କୁମାର ସାମଲ, କାର୍ଯ୍ୟକାରୀ ସଭାପତି ପ୍ରଶାନ୍ତ ରାଉତ ଓ ଭୋଳାନାଥ ମହାରଣା, ଅମୁଲ୍ୟ ପରିଡା, ଦେବରାଜ ପରିଡା ଏବଂ ସତ୍ୟସାଇ ସେବା ସମିତିର ସି. ଜଗଦିଶ, ସମସ୍ତ କର୍ମକର୍ତା ଉପସ୍ଥିତ ଥିଲେ । ରଫି, ବାପି, ତୋଫାନ, କାର୍ତିକ ପ୍ରମୁଖ ସହଯୋଗ କରିଥିଲେ ।