ବିଧାୟକଙ୍କ ଦ୍ୱାରା ରାସ୍ତା ପ୍ରସସ୍ତିକରଣର ଶୁଭ ଉଦଘାଟନ

ଭୁବନେଶ୍ୱର, (ଆଇଏନ୍ଏସ୍): ଚନ୍ଦ୍ରଶେଖରପୁର, ହାଉସିଂବୋର୍ଡ କଲୋନୀରେ ରାସ୍ତା ପ୍ରସସ୍ତିକରଣ କାର୍ଯ୍ୟର ଶୁଭ ଉଦଘାଟନ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଯୋଗଦେଇ ଭୁବନେଶ୍ୱର ଉତର ବିଧାୟକ ସୁଶାନ୍ତ କୁମାର ରାଉତ ଉତ୍ସବକୁ ଉଦଘାଟନ କରିଥିଲେ । ସମ୍ମାନୀତ ଅତିଥିଭାବେ ୮ନଂ ୱାର୍ଡର ପୂର୍ବତନ କର୍ପୋରେଟର ମୋନାଲିସା ସାହୁ, ଯୁବ ବିଜେଡି ସଭାପତି ମନୋଜ ସାହୁ ଉପସ୍ଥିତ ଥିଲେ । ପ୍ରକାଶ ଥାଉକି ଏହି ରାସ୍ତାର ପ୍ରଶସ୍ତିକରଣ ପାଇଁ ଦୀର୍ଘଦିନ ହେବ ଦାବି ହୋଇ ଆସୁଥିଲା । କର୍ପୋରେଟର ଏଥିପାଇଁ ନିର୍ବାଚନ ପୂର୍ବରୁ ବିଧାୟକଙ୍କ ଦୃଷ୍ଟି ଆକର୍ଷଣ କରିଥିଲେ । ବିଧାୟକ ନିଜ ପ୍ରତିସୃତି ରକ୍ଷାକରି ଏହା ପୂରଣ କରିଥିବାରୁ କଲୋନୀବାସୀ ତାଙ୍କୁ ସାଧୁବାଦ ଜଣାଇଛନ୍ତି । ୧୩ଲକ୍ଷ ୭୦ହଜାର ବ୍ୟୟ ଅଟକଳରେ ନିର୍ମିତ ହେବାକୁଥିବା ଏହି ରାସ୍ତା ଖୁବ୍ ଶୀଘ୍ର କାର୍ଯ୍ୟ ଆରମ୍ଭ ହୋଇ ଶେଷ ହେବ ବୋଲି ବିଧାୟକ କହିଛନ୍ତି ।